Монголын их, дээд сургуулиудын эдийн засаг, бизнесийн удирдлагын салбарын ахисан түвшний оюутнуудын эрдэм шинжилгээний хурал болов
Хуралд МУИС-БС, МУИС-ОУХНУС, ХААИС-ЭЗБС, ШУИС-БАТСургуулиудаас ирсэн 10 илтгэлийг хэлэлцүүлээд дүнгээ гаргахад:
I байр: МУИС-БС-ийн Докторант Ч.Анхбаяр “Банкны салбарын цэвэр хүүний маржийг хамгийн их байлгах актив пассивын бүтцийг оновчтой тодорхойлох нь” сэдэвт илтгэлээр;
II байр: ХААИС-ЭЗБС-ийн Докторант С.Баасансүрэн “Өрхийн усалгаатай тариалангийн усны үнэ, ус ашиглалтын үр ашиг, түүнд нөлөөлж буй хүчин зүйлсийн шинжилгээ” сэдэвт илтгэлээр;
III байр: МУИС-БС-ийн Докторант Т.Мөнхзаяа “Компанийн орлогын татварын төлөвлөлт: Үр ашигт татварын хувь хэмжээнд нөлөөлж буй хүчин зүйлийн шинжилгээ” сэдэвт илтгэлээр эхний гурван байрыг эзэллээ.
Байр эзэлсэн оюутнууддаа баярыг хүргэе!
Монголын их, дээд сургуулиудын эдийн засаг, бизнесийн удирдлагын салбарын оюутнуудын эрдэм шинжилгээний хурал боллоо
Бизнесийн сургуулийн Санхүү, Нягтлан бодох бүртгэлийн тэнхим байгуулагдсаны 60 жилийн ойг тохиолдуулан зохион байгуулсан Монголын их, дээд сургуулиудын эдийн засаг, бизнесийн удирдлагын салбарын оюутнуудын эрдэм шинжилгээний хурал 2018.05.11-ний өдөр МУИС-ийн IV байрны 314 тоот өрөөнд амжилттай болж өнгөрлөө.
Хуралд МУИС-БС, ХААИС-ЭЗБС, СЭЗИСургуулиудаас шалгарч үлдсэн 15 илтгэлийг хэлэлцүүлээд дүнгээ гаргахад:
I байр: МУИС-БС, Ж.Эрдэнэчулуун “Зээлжих зэрэглэл ба түүний эдийн засагт үзүүлэх нөлөө” сэдэвт илтгэлээр;
II байр: МУИС-БС, Ц.Бадамхатан, О.Намхай, О.Цэвээнравдан нар “Хорогдуулсан мөнгөн урсгалын загвараар компанийн үнэлгээг тооцох нь” сэдэвт илтгэлээр;
III байр: СЭЗИС, Б.Болдмаа, М.Бямбадорж, Б.Номин нар “Монгол Улсын арилжааны банкуудын ашигт ажиллагаанд нөлөөлөгч хүчин зүйлсийн шинжилгээ” сэдэвт илтгэлээр;
Тусгай байр: МУИС-БС, Б.Лхагважаргал, У.Хулан нар “НӨАТ-ын хуулийн шинэчлэл аж ахуйн нэгжийн орлого, зардлын тайлагналд нөлөөлсөн байдал” сэдэвт илтгэлээр;
Тусгай байр: МУИС-БС, Н.Тэргэл, Б.Ахбота нар “Шинэлэг аргачлалаар зээлийн багцын эрсдэл тооцох нь” сэдэвт илтгэлээр тус тус шалгарлаа.
Байр эзэлсэн оюутнууддаа баярыг хүргэе!
Монголын их, дээд сургуулиудын эдийн засаг, бизнесийн удирдлагын салбарын ахисан түвшний оюутнуудын эрдэм шинжилгээний хурал болов
МУИС, Бизнесийн сургуулийн Нягтлан бодох бүртгэлийн тэнхимийн 60 жилийн ойг тохиолдуулан зохион байгуулсан “Нягтлан бодох бүртгэл, аудит ба үнэлгээ” сэдэвт Олон улсын эрдэм шинжилгээний хурал 2018.05.11-ний өдөр МУИС-ийн Номын сангийн 502 тоот хурлын танхимд амжилттай болж өнгөрөв.
Хуралд гадаад улсуудаас Англи, Бангладеш, ОХУ, Энэтхэгийн судлаачид, дотоодоос МУИС, ХААИС, СЭЗИС, Мандах ИС-иуд болон Сангийн яам, ММНБИ, Сүлд-Аудит ХХК гэсэн байгууллагуудын эрдэмтэн, судлаачдын нийт 20 илтгэлийг хэлэлцүүллээ.
Мэдлэгийн менежментийн улсын VI олимпиадад “МУИС-ийн Бизнесийн сургууль” баг тэргүүллээ
Мэдлэгийн менежментийн улсын VI олимпиадад “МУИС-ийн Бизнесийн сургууль” баг тэргүүллээ.
Тус Олимпиадын гол онцлог талууд:
1. Бизнесийн удирдлагын чиглэл (үйлдвэрлэл, үйлчилгээ, хүний нөөц, санхүү бүртгэл, маркетинг)-ээр эзэмшсэн онолын мэдлэгээ ашиглан бодит өрсөлдөөний орчныг загварчилсан цогц симуляцийн орчинд стратегийн шийдвэрүүдийг гаргах.
2. Олон улсад бизнесийн удирдлагын ахисан түвшний сургалт явуулдаг сургуулиуд ашигладаг онлайн програмыг англи хэл дээр ашиглах.
3. Тест боловсруулагчид болон шүүгчид байх шаардлагагүйгээр нөхцөл байдлыг хэр зөв үнэлэн шийдвэр гаргаж байгаа нь бусад өрсөлдөгчдийн шийдвэрээс хамааран шууд програмаар үнэлэгдэх
зэрэг юм.
ҮТЕГ, Татварын Мэргэшсэн Зөвлөхийн Нийгэмлэгээс хамтран зохион байгуулдаг татварын тэмцээнд Санхүү, НББ-ийн тэнхимээс оролцсон багууд шилдэгээр шалгарлаа.
Жил бүр татвар төлөгчдийн өдрийг тохиолдуулан ҮТЕГ, Татварын Мэргэшсэн Зөвлөхийн Нийгэмлэгээс хамтран ИДС-ийн оюутнуудын дунд зохион байгуулдаг татварын тэмцээнд манай сургуулийн Санхүү, НББ-ийн тэнхимээс оролцсон багууд 8 сургуулийн 6 багаас шилдэгээр шалгарлаа.
2018 оны 05-р сарын 07-11 өдрүүдэд болсон тус тэмцээн нь “E баримтын хэрэгжилтийг зах, худалдааны төвүүдэд сайжруулах нь” сэдвийн хүрээнд явагдаж тэмцээнд оролцож буй багууд
- татвар төлөгчдөөс санал асуулга авах, фокус ярилцлага хийх
- зурагт хуудас бэлтгэх
- идэвхижүүлэлтийн арга хэмжээ зохион байгуулах
- үр дүнгээрээ шийдэл боловсруулж илтгэл бэлтгэж танилцуулах,
- мэргэжлийн тэмцээн: асуулт хариулт, цогц бодлого бодох хэлбэрээр өрсөлдөж шилдэгээ шалгарууллаа.
Энэ жил түүхт 60 жилийн ойн нь тохиож буй БС-ийн Санхүү, НББ тэнхимүүд тусдаа багаа бүрдүүлсэн оролцсоноос багийн нийт дүнгээрээ
- 1-р байр: Санхүүгийн тэнхимээс оролцсон Т.Мөнхзаяа багштай INFINITY баг /Санхүү эдийн засаг III анги/
- 2-р байр: НББ-ийн тэнхимээс оролцсон Л.Хишигбаяр, Д.Лхагвасүрэн, Н.Саруултөгс багштай Тэмүүлэл баг /ТНББ III анги/ тус тус шилдэгээр шалгарсан байна.
Холбоотой мэдээ http://www.mta.mn/c/view/71610
АМЖИЛТТАЙ ОРОЛЦСОН БАГШ, ОЮУТНУУД БАЯР ХҮРГЭЕ!
Read MoreМУИС, БС-ийн хөтөлбөр, мэргэжил, элсэлттэй холбоотой дэлгэрэнгүй мэдээлэл, зөвлөгөө өгөх арга хэмжээ болно.
Ерөнхий боловсролын сургуулийн төгсөх ангийн сурагчид болон эцэг эхчүүдэд зориулан МУИС, БС-ийн хөтөлбөр, мэргэжил, элсэлттэй холбоотой дэлгэрэнгүй мэдээлэл, зөвлөгөө өгөх арга хэмжээ 2018 оны 05 сарын 12,19-ны өдрүүдэд (11:00-15:30 цагийн хооронд) МУИС-ийн шинэ номын санд зохион байгуулагдана. Элсэх сонирхолтой ахлах ангийн сурагчид болон эцэг эхчүүдийг урьж байна.
ҮНДЭСНИЙ ХЭМЖЭЭНИЙ ОЮУТНЫ ЭРДЭМ ШИНЖИЛГЭЭНИЙ ХУРАЛ БОЛНО.
Инновацийн 7 хоног-2018 арга хэмжээг 2018 оны 5 дугаар сарын 7-13-ны өдрүүдэд зохион байгуулна.
Инновацийн соёлыг төлөвшүүлж, бүтээлч сэтгэлгээг хөгжүүлэх, төр хувийн хэвшлийн түншлэл, хамтын ажиллагааг өргөжүүлэх зорилгоор Инновацийн 7 хоног-2018 арга хэмжээг 2018 оны 5 дугаар сарын 7-13-ны өдрүүдэд зохион байгуулна.
Та бүхэн тус арга хэмжээнд бусад байгууллагуудтай хамтран ажиллаж, бүрэлдэхүүн сургуулийн нэгжүүдийг хамруулан идэвхи санаачлагатай оролцоно уу.
МУИС-ийн ЭШИХ
Read More