МУИС-ийн Бизнесийн сургуулийн Санхүүгийн тэнхимийн зөвлөх профессор Д.Намжил “Хөдөлмөрийн Гавьяаны Улаан Тугийн Одон” -оор шагнагдлаа
Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, Ардчилсан хувьсгалын 32 жилийн ой, Монголын үндэсний уламжлалт Цагаан сарын баярыг тохиолдуулан Монгол Улсын Ерөнхийлөгч Халтмаагийн Баттулгын 2021 оны 2 дугаар сарын 5-ны өдрийн 14 дүгээр зарлигаар МУИС-ийн Бизнесийн сургуулийн Санхүүгийн тэнхимийн зөвлөх профессор Д.Намжил “Хөдөлмөрийн Гавьяаны Улаан Тугийн Одон” -гоор шагнагдлаа.
Read More
Олон улсын боловсролыг МУИС Бизнесийн сургуульд эзэмшиж, төгссөн төгсөгчдөд диплом гардууллаа
МУИС-ийн Бизнесийн сургуулийн Их Британийн NCC боловсрол байгууллагатай хамтран хэрэгжүүлдэг бизнесийн удирдлагын бакалаврын хөтөлбөрт 2018-2020 онд суралцаж амжилттай төгссөн төгсөгчдөд Бизнесийн сургуулийн захирал Ч.Энхбаяр диплом гардуулан, цаашдын сурлага, хөдөлмөрт амжилт хүсч, баяр хүргэлээ.
Англи, Америк, Австрали зэрэг улсуудад хүлээн зөвшөөрөгдөх, их дээд сургуулиудад дүйцүүлэн тооцуулах боломжтой бакалаврын түвшний дипломын хөтөлбөрүүдийг 2006 оноос Бизнесийн сургууль Их Британийн NCC боловсрол байгууллагатай хамтран хэрэгжүүлж байна.
Холбоо барих: МУИС БС 200 тоот.
Утас 77307730-4118, 99840816
Профессорын семинар
Уг семинар нь “Тогтвортой хөгжил, компанийн нийгмийн хариуцлага ба хүний эрх” сэдвээр явагдах тул Та бүхнийг онлайнаар оролцохыг урьж байна.
Семинарын илтгэгч: HҮБ-ийн Бизнес ба хүний эрхийн зөвлөх С.Мойлтмаа
Агуулга: Компанийн нийгмийн хариуцлага ба хүний эрхийн асуудал шинэ шатанд гарч энэ чиглэлээр судалгаа, бодлогын баримт бичгүүд болон хурал, хэлэлцүүлгүүд явагдаж байна. Бизнесийн байгууллагууд ISO 26000: Ниймгийн хариуцлагын олон улсын стандартыг нэвтрүүлэхээр ажиллаж эхлээд байна. Эдгээр чиглэлээр мэдээлэл түгээн дэлгэрүүлэх, мөн Бизнесийн сургууль, эрдэмтэн багш нарын үүрэг, оролцооны талаар илтгэгч зочинтой санал солилцох зорилгоор энэхүү семинарыг онлайн хэлбэрээр, нээлттэй зохион байгуулж байна.
Семинарыг Менежментийн тэнхмийн профессор Д.Чимгээ удирдан явуулна.
Хэзээ: Семинар 2021 оны 1 сарын 15-ны 14:00 цагт Microsoft Teams-д үүсгэсэн
“Тогтвортой хөгжил, компанийн нийгмийн хариуцлага ба хүний эрх” сувгаар болно.
Холбоос: https://teams.microsoft.com/l/channel/19%3ac6374a0d8e704914af65a6b87cb1d240%40thread.tacv2/General?groupId=b567076c-e733-4a5c-b687-fbe45dac02ab&tenantId=9fc13a43-2d3c-4727-916f-6db7ed337b9f
“САНХҮҮГИЙН ИННОВАЦИ” сэдэвт ОУ-ын эрдэм шинжилгээний хурал 2020.12.23-ны өдөр амжилттай зохион байгуулагдлаа
МУИС-ийн БС болон ОХУ-ын Плехановын нэрэмжит
ЭЗИС-ийн УБ дахь салбарын хамтарсан 15 дахь удаагийн “САНХҮҮГИЙН ИННОВАЦИ” сэдэв ОУ-ын эрдэм шинжилгээний хурал 2020.12.23-ны өдөр амжилттай зохион байгуулагдлаа
МУИС-ийн БС-ийн Санхүүгийн тэнхим ОХУ-ын Плехановын нэрэмжит ЭЗИС-ийн УБ дахь салбар сургуультайхамтран жил бүр олон улсын эрдэм шинжилгээний хурал зохион байгуулдаг уламжлалтай билээ. Олон улсын эрдэм шинжилгээний хурлаар жил бүр санхүүгийн салбарын өнөөгийн байдал, тулгамдаж буй асуудлууд, шийдвэрлэх арга зам, цаашдын хөгжлийн чиг хандлагын чиглэлд Монгол Улс, ОХУ болон бусад орны судлаачид, эрдэм шинжилгээний байгууллагууд болон Олон Улсын Байгууллагууд, Засгийн Газрын хэрэгжүүлэгч агентлагууд, бизнесийн байгууллагын төлөөллийг оролцуулан илтгэл хэлэлцүүлсээр ирсэн.
15 дахь удаагийн олон улсын эрдэм шинжилгээний хурлыг Санхүүгийн инноваци сэдвийн хүрээнд сүүлийн үеийн судалгаа, шинжилгээний ажлуудын үр дүнг танилцуулах, хэлэлцүүлэг хийх, оролцогч талуудын хамтын ажиллагааг өргөжүүлэх, шаардлагатай зөвлөмж, саналыг боловсруулан гаргахад хувь нэмэр оруулах зорилгоор зохион байгуулж байна.
Энэ удаагийн хуралд АНУ, Энэтхэг, Малайз, Итали, Япон, ОХУ-ын эрдэмтэн судлаачид, Дэлхийн банк, Азийн Хөгжлийн Банк зэрэг олон улсын байгууллагууд, Монгол банк, Санхүүгийн зохицуулах Хороо, Монголын хөрөнгийн бирж зэрэг байгууллагуудын төлөөлөл болон бусад судлаачид оролцлоо.
Энэ удаагийн хурлын онцлог нь анх удаагаа цахим хэлбэрээр зохион байгуулагдаж, хамрах хүрээ нэлээд өргөжсөн, Виртуал валют, финтек, хэрэглэгчийн санхүүгийн эмзэг байдал, төр хувийн хэвшлийн түншлэл, баялагийг хөшүүрэгдэх замаар институци, хувь хүмүүсд хөрөнгө оруулах, орон сууцын зах зээл, хөрөнгийн зах зээлийн хөгжлийн хандлага, даатгалын технологи, системийн эрсдэл, тэтгэврийн шинэчлэл, татварын нөлөөлөл, цахим зээл, зээлийн зэрэглэл зэрэг сэдвийг хамарсан маш сонирхолтой илтгэлүүд тавигдлаа.
Хуралд оролцсон нийт эрдэмтэй судлаачид оролцогчид та бүхний судалгаа шинжилгээний ажилд өндөр амжилт хүсэж, хамгийн сайн сайхан бүхнийг хүсье.
“Маркетинг” магистрын хөтөлбөрийг магадлан итгэмжлэх БМИҮЗ-ийн шинжээчид ажиллаж байна
МУИС нь 2024 он хүртэл хөгжүүлэх стратеги төлөвлөгөөндөө тус сургуульд хэрэгжүүлж буй бүх түвшний хөтөлбөрийг үндэсний хэмжээнд магадлан итгэмжлүүлэхээр тусгасан байдаг.
Энэхүү зорилтын хүрээнд МУИС-ийн Бизнесийн сургуулийн Маркетингийн магистрын хөтөлбөрт БМИҮЗ-ийн шинжээчид 2020 оны 12 сарын 21,22 өдрүүдэд хөндлөнгийн үнэлгээ хийж байна.
Профессорын семинарт оролцохыг урьж байна.
Дэд профессор Д.Сувдаагийн профессорын ээлжит семинар 2020.12.25-ны өдрийн 12.00 цагт “Татварын шинэчлэлийн эдийн засагт үзүүлж буй нөлөө, үр дүн” сэдвээр цахимаар явагдах тул МУИС-ийн ахисан түвшний суралцагчид, эрдэмтэн судлаачдыг оролцохыг урьж байна.
Илтгэгч: дэд профессор Д.Сувдаа
Илтгэгч: докторант Г.Баялаг
Семинарт оролцох хаяг, холбоос: Microsoft teams ашиглах болно. Энд дарна уу
Read MoreМУИС-ийн Бизнесийн сургуулийн Эрдэм шинжилгээний хурал
Эрдэм шинжилгээний хурлын зорилго
Энэхүү хурал нь Бизнесийн сургуульд суралцаж буй оюутнуудын суралцах, хийж бүтээх идэвхи санаачлагыг дэмжих, тэдний судалгаа шинжилгээний ур чадварыг чадавхийг дэмжин хөгжүүлэх үндсэн зорилготой.
Хугацаа: 2020 оны 12-р сарын 11-ны өдрийн 16:00 цаг
Хаана: Business School-Erdem Shinjilgee гэсэн TEAMS-н группээр зохион байгуулагдана.
Хамрах хүрээ
Хуралд мэргэжлийн тэнхимүүдийн эрдэм шинжилгээний хурлаас шалгарсан илтгэлүүдийг хэлэлцүүлнэ.
Эрдэм шинжилгээний бүтээлд тавих ерөнхий шаардлага:
- Судалгааны ажил нь бизнесийн удирдлагын чиглэлд хамаарсан сэдэвтэй байх
- Шинжлэх ухааны үндэслэлтэй, судалгаа шинжилгээний тодорхой онол арга зүйд суурилсан, судалгаа шинжилгээний арга аргачлалуудыг ашигласан байх
- Судалгаандаа бодит тоон мэдээлэл ашиглаж, өгөгдлийг орчин үеийн техник хэрэгсэл, программ хангамжийг ашиглан боловсруулалт хийж, бодитой дүгнэлт гаргасан байх
- Судалгааны ажлын үр дүнд онол практикийн ач холбогдол бүхий санал зөвлөмж, арга аргачлал боловсруулсан байх
- Судалгааны ажлыг оюутны эрдэм шинжилгээний хуралд анх удаа хэлэлцүүлж байгаа,
- Илтгэлийг ганцаар болон болон багаар бэлтгэсэн байж болно, заавал удирдагч багштай байна,
- Илтгэлийг РРT хэлбэрээр бэлтгэх бөгөөд илтгэх хугацаа 10 минут, хэлэлцэх хугацаа 5 минут байна.
Илтгэлийн бүтэц, бичиглэл, судалгааны ажлын боловсруулалтад тавих шаардлага:
- Илтгэл нь хураангуй, түлхүүр үг /2-5/, зорилго, үндсэн хэсэг (онолын болон судалгааны), дэд сэдвүүд, судалгааны дүгнэлт, ерөнхий дүгнэлт, санал зөвлөмж, ашигласан материал болон эх сурвалжийн жагсаалт гэсэн ерөнхий бүтэцтэй байна;
- Ишлэл зүүлт хэрэглэнэ;
- Судалгаанд ашигласан арга зүй тодорхой байх;
- Илтгэлийн эхэнд эсвэл нүүр хуудсанд сургууль, тэнхим, илтгэлийн сэдэв, удирдагч багшийн овог нэр, зэрэг цол, илтгэгчийн нэр, холбогдох e-mail хаяг, утас зэргийг бичих)
- Илтгэлийг А4 хуудасны дээр болон доороос нь 2.0, зүүнээс нь 3.0, баруунаас нь 2.0 см зайтай, Times New Roman фондоор бичих, үсгийн өндөр 12pt, мөр хоорондын зай 1.15, 8-10 хуудсанд багтаан бичсэн байх.
Шалгаруулалт:
- Зохион байгуулах комисс тэнхим бүрээс ирүүлсэн илтгэл бүрийг уншиж, урьдчилан шалгаруулалт хийх бөгөөд эхний 8 илтгэлийг хуралд нээлттэй хэлэлцүүлнэ.
- ЭШ хуралд хэлэлцүүлсэн илтгэлүүдийг тодорхой онооны системээр үнэлж, эцсийн дүнг гаргах ба эхний 3 байрт шалгарсан илтгэлүүдэд өргөмжлөл, мөнгөн шагнал олгоно.
Шагнал:
I байр – 1, Өргөмжлөл, мөнгөн шагнал
II байр – 1, Өргөмжлөл, мөнгөн шагнал
III байр – 1, Өргөмжлөл, мөнгөн шагнал
Тусгай байр – 1
Тэнхимүүд илтгэлийг 2020 оны 12 дугаар сарын 10-ний өдрийн 16:00 цаг хүртэл санхүүгийн тэнхимийн Анхбаяр багшид ankhbayar.ch@num.edu.mn гэсэн цахим хаягаар илгээнэ.
Зохион байгуулах комисс
2020 оны 12 сарын 09
Read MoreКОРОНАВИРУСТ ХАЛДВАР /COVID-19/-ЫН ЦАР ТАХЛЫН ЭСРЭГ АВЧ ХЭРЭГЖҮҮЛСЭН АРГА ХЭМЖЭЭНИЙ ХАРЬЦУУЛСАН СУДАЛГАА
ХУРААНГУЙ
Дэлхий дахиныг донсолгосон коронавируст цар тахал /COVID-19/-ын тархалтыг албан ёсоор 2019 оны 12 сарын 8-наас эхэлсэн гэж үздэг бөгөөд өнөөдрийн байдлаар дэлхийн 216 орныг хамраад байна. COVID 19 нь дэлхийн улс орнуудын засгийн газрыг эрүүл мэнд, нийгэм, эдийн засгийн салбарын аль ч түвшинд тодорхойгүй байдалд ажиллахад хүргэсэн бөгөөд тэдний онцгой нөхцөлд хэр шуурхай хариу үйлдэл үзүүлэх, тулгамдсан асуудлыг хэрхэн ухаалгаар шийдвэрлэх чадамжийг шалгасан явдал болж байна. Манай улсын Засгийн газар ч энэхүү хүнд сорилттой тулгарсан бөгөөд шуурхай хариу арга хэмжээг авч чадсаны үр дүнд хэдийгээр халдвар зөөвөрлөгдөн орж ирсэн ч дотооддоо алдалгүй 8 сар тэсч чадсан юм. Харин өнөөдөр байдал өөрчлөгдөж дотооддоо нэгэнт халдварыг алдсан бөгөөд цаашид түүнийг богино хугацаанд хумих, эдийн засгаа аль болох эрсдэл багатайгаар авч гарах зэрэг асуудалтай шууд нүүр туллаа. Энэхүү судалгааг бид богино хугацаанд хийсэн бөгөөд зарим орны жишээн дээр дэлхийн улс орнуудад авч хэрэгжүүлж буй арга хэмжээг: ерөнхий нөхцөл байдал; эрүүл мэнд, онцгой байдал; хууль эрх зүй, улс төр, нийгэм; бизнес, эдийн засаг гэсэн чиглэлүүдээр авч үзэн зэрэгцүүлж харахыг хичээлээ. Судалгаанд хүчирхэг эдийн засаг болон үүссэн нөхцөл байдалд түргэн шуурхай, уян хатан хандсан зэргийг харгалзан улсуудыг сонгож, хамгийн түгээмэл байгаа мэдээллүүдийг ашиглав. Дэлхийн улс орнуудын авч хэрэгжүүлж буй арга хэмжээ нь харилцан адилгүй байгаа тул ижил төстэй хувилбаруудыг нэгтгэн дүгнэх боломж өнөөгийн байдлаар хомс байна. Иймд бид судлаачдад өөрсдийн чиглэл бүрээр ажиллахад нь нэмэр болох зорилгоор ерөнхий тойм судалгааг хийлээ. Энэ нь тэдний цаашдын нарийвчилсан судалгаанд өчүүхэн ч гэсэн тус болох болов уу гэж найдаж байна. Бидний хувьд ч энэхүү тойм судалгаагаа үргэлжлүүлэн нарийвчилсан чиглэлүүдээр хийхээр ажиллаж байгаа болно. Судалгааны ажлыг бүрэн эхээр нь энд дарж үзнэ үү.
Read MoreМУИС-ийн суралцагчдын анхааралд
Монгол Улсын хэмжээнд бүх нийтийн бэлэн байдлын зэрэгт шилжсэнтэй холбогдуулан Боловсрол, шинжлэх ухааны яамны албан хэрэгцээнд зориулан дараах асуулгыг МУИС-ийн нийт оюутнуудаас авч байна.
Асуулга бөглөх холбоос https://forms.office.com/Pages/ResponsePage.aspx?id=QzrBnzwtJ0eRb2237TN7n6bwrkhOQllArki31bLUylJUOEJFSjM4TDIxMTJDOURMQTlVR0tHSjRENi4u
Энэхүү асуулгад МУИС-ийн бакалавр, магистр, докторын түвшний бүх суралцагч хамрагдах бөгөөд ТА сургуулийн албан цахим шуудангийн хаягаар нэвтэрч асуулгыг бөглөнө үү.
Дараах холбоосоор нэвтэрч МУИС-ийн цахим шудан /stud.num.edu.mn/ ашиглах заавартай танилцаарай.
http://stud.num.edu.mn/?fbclid=IwAR0kIeNiZkG1haHoKb8AJFpqIaZol2qInuUb0Nbxo4D3ttoAp7j44DEwTwM
Тус асуулга 15 минут орчим үргэлжлэх бөгөөд өгсөн мэдээллийн нууцыг Монгол Улсын “Хувь хүний тухай” хуулийн 5-р зүйлийн 4 дэх хэсэг болон “Статистикийн тухай” хуулийн 22-р зүйлийн 3 дахь хэсэгт заасны дагуу чандлан хадгална. Мэдээллийг зөвхөн судалгааны үр дүнг тооцоход ашиглах болно.
Read More