Магистрын түвшний “Санхүү” хөтөлбөрийг магадлан итгэмжлэх БМИҮЗ-ийн шинжээчид ажиллаж байна
МУИС нь 2024 он хүртэл хөгжүүлэх стратеги төлөвлөгөөндөө тус сургуульд хэрэгжүүлж буй бүх түвшний хөтөлбөрийг үндэсний хэмжээнд магадлан итгэмжлүүлэхээр тусгасан байдаг.
Энэхүү зорилтын хүрээнд Бизнесийн сургууль нь бакалаврын түвшний бүх хөтөлбөрөө магадлан итгэмжлүүлсэн бөгөөд ахисан түвшний хөтөлбөрүүдийг магадлан итгэмжлүүлэх үйл ажиллагаа амжилттай хийгдэж байна. Энэ удаад магистрын түвшний “Санхүү” хөтөлбөрийг магадлан итгэмжлэх БМИҮЗ-ийн шинжээчид 2020 оны 11 дүгээр сарын 04-05-ны өдрүүдэд тус сургууль дээр ажиллаж байна.
Хамтарсан хөтөлбөрөөр суралцах анхны оюутнууд БНПУ-ыг зорив.
Монгол улс болон Бүгд Найрамдах Польш Улсын (БНПУ)-ын боловсрол, соёл, шинжлэх ухааны салбар дахь хамтын ажиллагааны хүрээнд МУИС-ийн Бизнесийн сургууль БНПУ-ын Лодзийн их сургуулиуд хамтран 2+2 бакалаврын хөтөлбөрийг хэрэгжүүлэх хэлэлцээрийг 2019-2020 оны хичээлийн жилд байгуулсан билээ.
Уг хөтөлбөрт МУИС-ийн Бизнесийн сургуулийн Санхүү, Банк, Даатгал, Нягтлан бодох бүртгэлийн хөтөлбөрөөр суралцаж буй оюутнууд хамрагдах боломжтой бөгөөд жил бүр 15 хүртэлх оюутныг Лодзийн их сургуулийн Эдийн засаг-Социологийн сургуульд үргэлжлүүлэн суралцах нөхцлийг дээрх хэлэлцээрээр бүрдүүлж өгсөн байдаг.
Хамтарсан хөтөлбөрт суралцах оюутнууд Польш хэлийг эх орондоо ахисан түвшинд эзэмшсэн байх нь голлох шалгууруудын нэг тул Бизнесийн сургууль энэхүү хөтөлбөрийг хэрэгжүүлэхдээ МУИС-ийн ШУС-ийн Европ судлалын тэнхимтэй хамтран ажиллаж байна.
2020-2021 оны хичээлийн жилд Бизнесийн сургуулийн Санхүүгийн хөтөлбөрийн 2-р түвшний 3 оюутан Лодзийн их сургуульд үргэлжлүүлэн суралцахаар 2020 оны 10 дугаар сарын 23-ны өдөр БНПУ-ыг зорив.
Хамтарсан хөтөлбөрт суралцахаар явж буй оюутнуудтай Бизнесийн сургуулийн захирал Ч.Энхбаяр болон МУИС-ийн Оюутан, төгсөгчийн хэлтсийн дарга М.Эрдэнэчимэг нар гурвалсан гэрээ байгуулж, Монгол улсын болон МУИС-ийнхаа нэрийг өндөрт өргөн, амжилттай суралцахыг хүслээ.
МУИС, Бизнесийн сургууль ITZONE ХХКомпанитай дата ур чадвар эзэмших чиглэлээр хамтран ажиллах, хамтын ажиллагааны гэрээнд гарын үсэг зурлаа
Дижитал шилжилтийг даган нийгмийн салбар бүрд өөрчлөлт, шинэчлэлт хийгдэж, тэр хэрээр цоо шинэ ур чадвар, шинэ мэргэжил үүсэн төрөх болсон. Үүний нэг бол яах аргагүй Дата ур чадвар юм. LinkedIn компаниас 2020 онд гаргасан “Ажлын байран дээрх хамгийн эрэлттэй байгаа ур чадварууд” тайланд дэлхий дахинаа хамгийн эрэлттэй 10 ур чадварыг (hard skill) жагсаахад дөрвөн төрөлд нь дататай холбоотой буюу Аналитик үндэслэл гаргах, Хиймэл оюун ухаан, Бизнесийн дүн шинжилгээ хийх зэрэг дата ашиглах ур чадвар багтсан байдаг.
Энэхүү өндөр эрэлттэй, үнэ цэнэ нь улам бүр нэмэгдэх болсон ур чадварыг Бизнесийн сургуулийн Менежментийн тэнхимээс гарсан санал, санаачлагыг дэмжин ITZONE ХХК-тай хамтран ажиллах талаар 2020 оны 10-р сарын 21-нд МУИС, Бизнесийн сургууль ба ITZONE ХХК-ний хооронд Хамтран ажиллах санамж бичиг, гэрээг үзэглэж хамтын үйл ажиллагааг албан ёсоор баталгаажууллаа.
Энэ хамтын гэрээний хүрээнд “МУИС-ийн Бизнесийн сургуулийн багш, оюутнуудыг чадавхжуулах” төсөл хэрэгжиж эхэллээ.
МУИС-ийн Бизнесийн сургууль нь багш, оюутнуудынхаа мэдээллийн технологи ашиглах чадварыг дээшлүүлэх, ингэснээр багш, оюутны эрдэм шинжилгээ судалгаа болон сургалтын үйл ажиллагааг сайжруулах зорилт тавин ажилладаг ба энэхүү хамтын ажиллагаа нь МУИС-ийн эрдэмтэн багш, оюутнуудын сургалт, судалгааны үр дүнгээс гадна төгсөгчдийн ажлын байраар хангагдах боломжид сайнаар нөлөөлнө гэсэн хүлээлттэй байгаа юм.
Тус хамтын ажиллагааны хүрээнд Ай Ти Зон компани нь өгөгдөл бэлтгэл, анализ, дүрслэлийн программ хангамж болох Tableau BI-ийг нэг жил ашиглах эрхийг Бизнесийн сургуулийн нийт 2747 оюутан, 86 гаруй багшид олгож, уг программ дээр мэргэжлийн түвшинд ажиллах практик ур чадвар олгох сургалтуудыг зохион байгуулах юм.
Tableau нь их хэмжээний өгөгдөл датаг бэлтгэх, цэвэрлэх, дүрслэх шийдлээрээ дэлхийд тэргүүлэгч технологи хөгжүүлэгч бөгөөд тус компанийн албан ёсны түншээр 2016 оноос хойш тасралтгүй ажиллаж буй ITZONE ХХК нь албан ёсоор сургагч эрх бүхий 15 дата экспертүүдээрээ дамжуулан Анхан болон Ахисан түвшний дата аналитикийн сургалтуудыг академик түвшинд тусгайлан бэлдсэн программ, хөтөлбөрийн дагуу тус тус хэрэгжүүлдэг юм.
Ийнхүү нийгмийн хариуцлагынхаа хүрээнд боловсролын салбарыг дэмжин ажиллаж ирсэн ITZONE ХХК компани 195 орчим сая төгрөгийн өртөг бүхий биет болон биет бус хөрөнгө оруулалтыг МУИС, Бизнесийн сургуулийн эрдэмтэн багш төдийгүй бакалавр болон ахисан түвшний оюутнуудад хүргэж байгаад талархаж байна.
Профессорын семинарт урьж байна
Профессор Ч.Энхбаярын ээлжит семинар 2020 оны 10 сарын 28-ны өдрийн 16:00 цагт МУИС-ийн IV байрны 314 тоот өрөөнд “Санхүүгийн чадавх, түүнийг үнэлэх арга зүйн асуудал” сэдвээр явагдах тул Та бүхнийг хүрэлцэн ирэхийг урьж байна. Илтгэгч: Докторант Н.Батжаргал
Read More
МОНГОЛБАНКНЫ ТЭРГҮҮН ДЭД ЕРӨНХИЙЛӨГЧ “БАНК САНХҮҮГИЙН СЕКТОР” СЭДВЭЭР ЛЕКЦ УНШЛАА
Эдийн засаг, санхүүгийн чиглэлийн судалгаа, сургалтыг дэмжих “Тинк-банк” хөтөлбөрийн хүрээнд Монголбанк, Монгол Улсын Их сургуультай хамтын ажиллагааны гэрээ байгуулсан. Энэхүү хөтөлбөрийн дагуу 2020.10.13-ны өдөр Монголбанкны Тэргүүн Дэд Ерөнхийлөгч Г.Дөлгөөн МУИС-ийн Бизнесийн сургуулийн оюутнуудад “Банк санхүүгийн сектор” сэдвээр лекц уншлаа.МУИС, Монголбанк нь эдийн засаг, санхүүгийн чиглэлээрх үе үеийн боловсон хүчнийг бэлтгэж, хөгжүүлж ирсэн Монгол Улсын ууган институциуд юм. Монголбанкны хувьд Тинк-Банк хөтөлбөрөөс гадна “Олон нийтийн санхүүгийн суурь мэдлэгийг дээшлүүлэх хөтөлбөр”-ийг манлайлан хэрэгжүүлж байгаагийн нэг зорилтот бүлэг нь их дээд сургуулийн оюутнууд юм. Өдгөө магадлан итгэмжлэгдсэн 11 их дээд сургуулийн сургалтын хөтөлбөрт “Хувь хүний санхүү” хичээлийг мэргэжил харгалзахгүй үзэж байна.
ГОЛОМТ БАНКНЫ НЭРЭМЖИТ ОЮУТНЫ ТЭТГЭЛЭГТ ХӨТӨЛБӨР 16 ДАХЬ ЖИЛДЭЭ ЗАРЛАГДЛАА
Сайн сайхныг санхүүжүүлэгч, боловсролыг дэмжигч Голомт банк оюутны тэтгэлэгт хөтөлбөрөө 16 дахь жилдээ зарлалаа.
Монгол Улсад анх удаа бизнесийн байгууллагуудаас нийгмийн хариуцлагын хүрээнд санаачилсан тус хөтөлбөр нь өдгөө 16 дахь жилийнхээ ойтой золгож буй бөгөөд энэ хугацаанд нийт 1300 оюутанд тэтгэлэг олгон сурах хүсэл эрмэлзэлд нь хөрөнгө оруулжээ. Голомт банкны оюутны тэтгэлэгт хөтөлбөрт шалгарсан оюутан бүтэн жилийн турш тэтгэлэг авахаас гадна Голомт банкны судлаач оюутны багт ажиллах, цаашлаад сургуулиа төгсөөд тус банканд ажиллах боломжтой болдгоороо томоохон ач холбогдолтой юм.
Тэтгэлэгт хамрагдахын тулд Магадлан итгэмжлэгдсэн их, дээд сургуулийн өдрийн ангийн 3 болон 4 дүгээр курсын суралцагч байх үндсэн шаардлагыг тавьж байгаа ба оюутнуудын материалыг Голомт банкны Төв оффист болон цахим хаягаар хүлээн авч байна.
Бүрдүүлэх материал:
- Сургуулийн тодорхойлолт
- Дүнгийн тодорхойлолт
- 1 хувь цээж зураг
- “Тогтвортой хөгжилд залуусын оролцоо” эсвэл “Цэнхэр алт усаа хайрлая” сэдвээр 200-аас доошгүй үгтэй эсээ бичих
- Гаргасан амжилт болон олон нийтийн үйл ажиллагаанд оролцож байсныг гэрчлэх баримтуудын хуулбар /нотариатаар баталгаажуулсан байх/
Өргөдөл хүлээн авах:
- Цаасаар: Голомт банкны төв байрны 1 давхарт харилцагчийн зөвлөхөд хүлээлгэн өгнө.
- Цахим хэлбэрээр: https://student.golomtbank.com/#/ холбоосоор орж анкет бөглөнө.
Шалгаруулалт хэрхэн явагдах:
1-р үе шат: Материал хүлээн авах
2-р үе шат: Бүлгийн сонгон шалгаруулалт
3-р үе шат: Ганцаарчилсан ярилцлага
4-р үе шат: Ёслолын арга хэмжээ
Материал хүлээн авах хугацаа: 2020.09.21-2020.10.02
Read More
СУРГАЛТ ЗОХИОН БАЙГУУЛАГДАНА
Бизнесийн сургууль ба ITZONE ХХК-ний Хамтран ажиллах санамж бичиг-ийн хүрээнд Менежментийн тэнхмээс санаачилсан “МУИС-ийн Бизнесийн сургуулийн багш, оюутнуудыг чадавхжуулах” төсөл хэрэгжиж байна.
Энэхүү төслийн хүрээнд TABLEAU програмын үндсэн болон ахисан түвшний 4 өдрийн сургалт, TABLEAU програмын дата бэлтгэх 2 өдрийн сургалтыг зохион байгуулж байна. Сургалтыг ITZONE ХХК-ны TABLEAU програмын сургагч багш нар явуулна. Уг сургалтанд 24 багш, ажилтан хамрагдах тул суух сонирхолтой багш нар Менежментийн тэнхмийн туслах ажилтан М.Намуунаад бүртгүүлнэ үү.
Read More
“DATA-DRIVEN BUSINESS AND ITS KEY TRENDS” СЭДВЭЭР ITZONE КОМПАНИЙ ТЭРГҮҮН ДЭД ЗАХИРАЛ Б.ЦЭЭСҮРЭН ЛЕКЦ УНШИНА
Бизнес аналитик чиглэлээр шинжлэх ухааны мэдлэгийг түгээх, үйлдвэрлэх, инноваци болгох хүрээнд харилцан мэдлэг, мэдээлэл солилцох, хамтарсан судалгаа, төсөл хөтөлбөр хэрэгжүүлэхэд санал солилцох зорилгоор Бизнесийн сургуулийн Менежментийн тэнхимээс Бизнесийн төлөөллийн лекц -ийг нээлттэй хэлбэрээр зохион байгуулж байна.
Лекцийг профессор Д.Чимгээ танилцуулна. Энэхүү лекцэнд эрдэмтэн багш нарыг суухыг урьж байна.
Лекц 2020 оны 9 сарын 9-д 15:00 цагт 314 тоот өрөөнд явагдана.
Read MoreМУИС-ийн Бизнесийн сургуулийн төгсөгчдийн сэтгэл ханамжийн судалгаа
МУИС-ийн Бизнесийн сургууль нь төгсөгч нараасаа хөтөлбөр, сургалтын үр дүнгийн талаарх сэтгэл ханамжийн судалгааг жил бүр авдаг. Төгсөгч таны мэргэжлийн хөтөлбөртөө өгч буй санал, зөвлөмж тань энэ мэргэжлээр ирээдүйд суралцах оюутнуудын мэдлэг, ур чадварыг сайжруулахад туслах болно. Таны хувийн мэдээлэл нууцлагдах ба зөвхөн диплом шуудангаар хүргүүлэхэд ашиглагдах болно.
Судалгааг бөглөхдөө дараах зүйлсийг анхаарна уу.
- Судалгааг 2020.06.12-ны өдрөөс өмнө зөвхөн өөрийн …………………@stud.num.edu.mn хаягаар бөглөн илгээнэ үү.
- Судалгааг нэг удаа л бөглөх учраас та мэдээллээ сайн нягталж алдаагүй бөглөнө үү. Мөн судалгаагаа нээсэн бол заавал бөглөж дуусгах ёстойг анхаарна уу.
- Шуудангаар диплом хүлээн авах хаягаа дэлгэрэнгүй бичиж өгнө үү. Мөн энэ хаяган дээрээ өөрийн холбоо барих утаснаас гадна өөр холбоо барих 1-3 дугаарыг давхар заавал бичиж өгнө үү.
Та энд дарж нэвтрэн орж төгсөгчийн сэтгэл ханамжийн судалгаагаа бөглөн илгээнэ үү
Судалгаатай холбоотой асууж тодруулах зүйл байвал 99227130, 88028798 утсаар холбогдож мэдээлэл авна уу.
Сургуулиа амжилттай төгссөн танд баяр хүргэж, цаашдын ажил хөдөлмөрт тань өндөр амжилтыг хүсье. МУИС-ийн төгсөгч-Монголын ирээдүй.
МУИС-ийн Бизнесийн сургуулийн захиргаа
Read MoreМУИС-ийн Бизнесийн сургуулийн Санхүүгийн тэнхим, Монголын Санхүүчдийн Нийгэмлэгээс эрхлэн гаргадаг ISSN 2523-417X индекс бүхий “МӨНГӨ САНХҮҮ” сэтгүүлд судалгааны бүтээл ирүүлэхийг урьж байна.
Сэтгүүлийн товч танилцуулга:
Сэтгүүлийг анх эрхлэн гаргасан: 2004 он
Хэл: Монгол, Англи, Орос
Хураангуй: Монгол, Англи, Орос
Хэвлэх тоо: Жилд 2 удаа
Тайлбар: Судалгааны ажилд хянан магадлагаа хийж шаардлага хангасан ажлуудыг хэвлэнэ.
Судалгааны бүтээл хүлээн авах хугацаа: 2020.05.01 хүртэл
Редакцийн зөвлөлийн гишүүд хянах хугацаа: 2020.05.04-2020.05.08
Өгүүлэлд засвар хийх: 2020.05.08-05.14
Сэтгүүлийг хэвлэлтэнд бэлтгэх, хэвлүүлэх: 2020.05.20
Өгүүлэлд тавигдах ерөнхий шаардлага:
- Шинжлэх ухааны онол, арга зүйн үндэслэлтэй, практик судалгаа, дүгнэлттэй байх;
- Шинэлэг санааг дэвшүүлсэн, бусдын бүтээлийг болон бүтээлийн хэсгийг хуулбарлаагүй, өмнө нь өөр сэтгүүлд хэвлэгдээгүй анхдагч байх
- Өгүүлэл нь Монгол хэл дээр бичигдсэн бол хураангуй нь Англи эсвэл Орос хэлээр, харин өгүүлэл нь Англи эсвэл Орос хэлээр бичигдсэн бол хураангуй нь Монгол хэл дээр бичигдсэн байна.
Өгүүллийн бүтэц бичиглэл, боловсруулалтад тавигдах шаардлага:
- Өгүүлэл нь гарчиг, хураангуй, түлхүүр үг, үндсэн хэсэг, судалгааны хэсэг, үр дүн, дүгнэлт, ашигласан бүтээлийн жагсаалт гэсэн бүтэцтэй байх;
- Зураг, хүснэгт, графикийн гарчиг, холбогдох эх сурвалжийг заавал бичих;
- А4 хэмжээтэй цаасны дээр болон доороос нь 2.0, зүүнээс нь 3.0, баруунаас нь 2.0 см тус тус зайтай, Times New Roman фондоор (Monkey ашиглахгүйгээр), үсгийн хэмжээ 11, мөр хоорондын зай 1.15, 10-12 хуудсанд багтсан байх;
- Зохиогчийн нэр, е-майл хаяг, ажлын газрын мэдээлэл зэргийг бичсэн байх;
- Ашигласан материалыг бичихдээ дараах загвараар бичнэ. Үүнд:
А. Өгүүлэл
Зохиогчийн нэр, овгийн эхний үсэг, өгүүллийн сэдэв, сэтгүүлийн нэр, дугаар, он
Б.Ном, нэг сэдэвт бүтээл
Зохиогчийн нэр, овгийн эхний үсэг, номны нэр, хот, хэвлэлийн газар, он
Өгүүллийг дараах хаягаар хүлээн авна.
- БС-ийн Санхүүгийн тэнхим, 111 тоот өрөө
- Цахим хаяг: bayanturn@yahoo.com, bayantur_n@num.edu.mn
- Утас: Н.Баянтөр (88098109)
“Мөнгө санхүү” сэтгүүлийн редакци
2020.04.10
Read More