МУИС-ийн Багш, ажилтны сагсан бөмбөгийн тэмцээнд Бизнесийн сургуулийн эрэгтэй, эмэгтэй багууд амжилттай оролцлоо
Биеийн тамирын тэнхимийн 70 жилийн ойн хүрээнд зохион байгуулсан МУИС-ийн Багш, ажилтны сагсан бөмбөгийн тэмцээн 2018 оны 10-р сарын 13, 14-ний өдрүүдэд амжилттай явагдаж өндөрлөв.
Бизнесийн сургуулийн эрэгтэй, эмэгтэй багууд шигшээ тоглолтод шалгаран үлдэж улмаар эрэгтэй баг хүрэл медалийн болзол хангаж, эмэгтэй баг шагналт IV байранд шалгарлаа. Тэмцээний үеэр зохиогдсон холимог багийн шидэлтийн төрөлд Бизнесийн сургуулийн баг даалгаврыг 24 секундэд гүйцэтгэн шинэ дээд амжилт тогтоож тэргүүллээ.
Тус тэмцээнд эрэгтэй багуудаас ХШУИС, ЗАА, Бизнесийн сургууль, эмэгтэй багуудаас ССС, ХШУИС, ЗАА багууд эхний гурван байрыг тус тус эзэллээ.
“CFA RESEARCH CHALLENGE-2019” ОРОЛЦОХ БАГИЙГ СОНГОН ШАЛГАРУУЛАХ УДИРДАМЖ
“CFA RESEARCH CHALLENGE-2019” ОРОЛЦОХ БАГИЙГ СОНГОН ШАЛГАРУУЛАХ УДИРДАМЖ
1. Судлах компани : “ГОВЬ” ХК
2. Гүйцэтгэх ажил: Хувьцааны үнэлгээ хийж, ханшийн таамаглал дэвшүүлэн хөрөнгө оруулагчдад хандсан зөвлөмж өгөх
3. Оролцох багт тавигдах шаардлага:
a. МУИС-ийн Бизнесийн сургуульд суралцаж буй Санхүүгийн мэргэжлийн /Санхүү менежмент, Банк, Даатгал, Санхүү эдийн засаг/ бакалаврын түвшний оюутнууд дангаараа, эсвэл бакалавр болон магистрын түвшний оюутнуудын холимог баг байх.
b. Багийн гишүүдийн тоо 3-5 байх,
c. Багууд нэр, ахлагчтай байх.
4. Шалгаруулалтад харгалзах үзүүлэлтүүд:
А. Хувьцааны үнэлгээг 2017-12-31-ний өдрөөр тооцон бичсэн СУДАЛГААНЫ ТАЙЛАН
Б. Хувьцааны үнэлгээг хэрхэн тогтоосон талаар бэлтгэсэн ТАНИЛЦУУЛГА
5. Шалгаруулалтын үе шат, хүрэх үр дүн: Шалгаруулалт нь 2 үе шаттай байна.
1 үе шат: Багуудаас ирүүлсэн “СУДАЛГААНЫ ТАЙЛАН”-г “CFA Research Challenge-2018”-ын албан ёсны дүрмийн Хавсралт B (Appendix C)-ийн дагуу үнэлж 2-р үе шатанд танилцуулга хийх багуудыг тодруулж, 2018-10-02-ний өдрийн 14:00 цагаас тэнхимийн самбар дээр зарлана.
2 үе шат: 1-р үе шатанд шалгарсан багуудын судалгааны компани дээр хийсэн “ТАНИЛЦУУЛГА”-ыг “CFA Research Challenge-2018”-ын албан ёсны дүрмийн Хавсралт Г (Appendix D)-ийн дагуу үнэлнэ. 2-р шатны шалгаруулалтыг 2018-10-03-ны өдрийн 15:30 цагаас МУИС-ийн хичээлийн IV байрны 118 тоот өрөөнд хийнэ. 1 ба 2-р шатны үр дүнг нэгтгэн үнэлж, хамгийн өндөр оноо авсан багаас оролцогчдыг шалгаруулна. Шалгарсан багууд нь сургуулиа төлөөлж “CFA Research Challenge-2019” үндэсний тэмцээнд оролцох эрхтэй.
Жич: Сургуулиас оролцох багийг сайжруулах үүднээс багийн гишүүдийг өөрчлөх, солих эрх нь зохион байгуулагчдад хадгалагдана.
6. “СУДАЛГААНЫ ТАЙЛАН”-д тавигдах шаардлага:
a. Судалгааны тайлан нь “CFA Research Challenge-2019”-ын албан ёсны дүрмийн[1] Хавсралт А (Appendix A). Тайлангийн зааварчилгаа хэсэгт заасан шаардлагад нийцсэн байх,
b. Судалгааны тайлангийн нүүр хуудас нь “CFA Research Challenge-2019”-ын албан ёсны дүрмийн Хавсралт Б (Appendix B)-д заасан загварын дагуу байх,
c. Үндсэн тайлан нь А4 форматаар 10-аас илүүгүй нүүр хуудсанд бичигдсэн байх ба 20-иос илүүгүй нүүр хуудас бүхий хавсралттай байх;
d. Зөвхөн олон нийтэд түгээсэн мэдээлэлд үндэслэсэн байх,
e. Багийн гишүүд өөрсдөө гүйцэтгэсэн (original work) ажил байх,
f. Шинжлэх ухааны үндэслэлтэй, судалгааны зохих аргуудыг хэрэглэсэн байх,
g. Хараат бус судлаачийн байр сууринаас (төсөөлөлд суурилан) бэлтгэгдсэн байх.
7. “ТАНИЛЦУУЛГА”-д тавигдах шаардлага:
a. Танилцуулгыг бэлтгэхэд зөвхөн багийн гишүүд оролцох,
b. Танилцуулгыг бэлтгэхэд хөлний тэмдэглэгээ (props) хэрэглэхгүй.
c. Танилцуулах хугацааг 10 минутаас хэтрэхгүй байхаар тооцож танилцуулгыг бэлтгэх,
d. Танилцуулга нь шүүгчдэд харагдахуйц байх.
8. Судалгааны тайлан, танилцуулгыг хүлээн авах хугацаа ба байршил: Судалгааны тайлан, танилцуулгыг 2018/10/01-ны 17:00 цаг хүртэл МУИС-ийн хичээлийн IV байрны 111 тоот өрөө, тэнхимийн туслах ажилтан Д. Ганчимэгт цаас /битүүмжлэн/ өгөх буюу bilgeebts@yahoo.com хаягаар илгээх. Хугацаа хоцорсон тохиолдолд шалгаруулалтад оролцох боломжгүйг мэдэгдье.
САНХҮҮГИЙН ТЭНХИМ
[1] “CFA Research Challenge-2019”-ын албан ёсны дүрмийг дараах холбоосоор орж татаж авна уу.
https://drive.google.com/drive/folders/15qv6A6ndiehLdNw6Kr65g4mwEH-n7TdR
Read MoreАНУ-д төвтэй CFA нийгэмлэгийн нэрэмжит CFA Research Challenge тэмцээний “Нээлтийн хурал”-д урьж байна
АНУ-д төвтэй CFA нийгэмлэгийн нэрэмжит CFA Research Challenge тэмцээний “Нээлтийн хурал” (The Kickoff Meeting)-ыг 2018 оны 09-р сарын 27-ны Пүрэв гарагт Ancore Conference & Event Venue төв дээр 19-21 цагийн хооронд зохион байгуулна. Уг нээлтийн хурал дээр Монголын Хөрөнгийн Биржд бүртгэлтэй нэгэн хувьцаат компанийг хамтран ажиллах гэрээний хүрээнд “subject company” гэж зарлах болно.
Мөн тэмцээний талаарх бүхий л үйл явц, дүрэм, тэмцээний хүрээнд зохион байгуулагдах арга хэмжээний талаар оюутнууд, менторууд болон багш нарт тайлбарлаж, асуултанд хариулахаас гадна тэмцээнд оролцож буй талууд танилцаж өнгөрсөн жилийн тэмцээнд түрүүлсэн МУИС-ын баг тэмцээний талаарх өөрсдийн тэргүүний туршлагыг энэ жилийн оролцогчидтой хуваалцах болно.
Read More
Эн Си Си Боловсрол байгууллагатай хамтарсан бизнесийн удирдлагын хөтөлбөрийн төгсөлтийн үйл ажиллагаа зохион байгуулагдлаа
МУИС-ийн Бизнесийн сургуулийн Их Британийн Эн Си Си Боловсрол байгууллагатай хамтарсан бизнесийн удирдлагын бэлтгэл, бакалавр, магистрын хөтөлбөрийн 2017-2018 оны хичээлийн жилийн төгсөлтийн үйл ажиллагаа зохион байгуулагдлаа.
Төгсөлтийн үйл ажиллагаанд Бизнесийн сургуулийн захиралын үүрэг гүйцэтгэгч доктор, профессор Ч.Энхбаяр, Менежментийн тэнхимийн доктор, профессор Н.Сонинтамир, Менежментийн тэнхимийн эрхлэгч доктор, дэд профессор, Д.Энх-Отгон, хөтөлбөр хариуцсан мэргэжилтэн нар оролцож төгсөгчдөд баяр хүргэж, цаашдын ажил, сурлагт амжилт хүслээ.
Өнгөрөгч хичээлийн жилд магистрын 3 суралцагч монгол дахь нэг жилийн хөтөлбөрийг амжилттай төгсөж гэрчилгээгээ гардан авсан байна.
Эдгээр төгсөгчид ирэх хичээлийн жилд Их британийн 0,5 жилийн хөтөлбөрт сурадцаж магистрын зэрэг хамгаалахаа илэрхийлсэн байна.
Мөн бакалаврын суралцагчид амжилттай төгсөж Английн University of Worcester сургуульд суралцаж байна.
Их дээд сургуулийн бэлтгэл хөтөлбөрийг төгсөгчид энэ хичээлийн жилд Level 4 Diploma in Business буюу дараагийн түвшинд шилжин суралцаж байна. Эдгээр төгсөгчдөөс 2018-219 оны хичээлийн жилд Английн University of Westminster сургуульд Business Management (Entrepreneurship) мэргэжилээр шилжин суралцах гэж буй зэрэг амжилтдуудаар Эн Си Си хөтөлбөрийн өнгөрч хичээлийн жилийн үйл ажиллагаа дүгнэгдлээ.
Төгсөлтийн үйл ажиллагааны үеэр төгсөгч оюутнууд хөтөлбөрт суралцсанаар гарсан эерэг үр дүнгүүдийн тухай сэтгэгдлүүдээ илэрхийлж байснаас Level 5 Diploma in Business хөтөлбөрт амжилттай суралцаж төгсөн, ажлын гараагаа эхлээд буй М. Мөнх-Одын үгийг хүргэж байна.
“Би МУИС-Бизнесийн сургуулийн NCC Education байгууллагатай хамтран хэрэгжүүлдэг хөтөлбөрт өнгөрсөн 2 жилийн хугацаанд суралцаж өнөөдөр Бизнесийн удирдлагын дипломыг сургуулийн багш хамт олон болон МУИС-Бизнесийн сургуулийн захиралаас гардаж авлаа. Эх орондоо гадаадын их дээд сургуулийн боловсрол эзэмших энэ боломжийг олгосон та бүхэнд баярласан талархсанаа илэрхийлж байна.
Энэ хөтөлбөрийн давуу тал болох англи хэл дээр МУИС – ийн чадварлаг багш нараар Их Британий сургалтын хөтөлбөрийг заалгаж, суралцах туйлын таатай байлаа.
Энэхүү хөтөлбөрт суралцсанаар олон олон давуу талуудыг өөртөө бий болгож чадлаа. Миний бие одоогоор Монголын Хөрөнгийн Бирж “Арилжааны төлбөр тооцоо” ХХК-д Гадаад харилцаа, маркетингийн ажилтанаар ажиллахийн зэрэгцээ NCC хөтөлбөрийн санал болгож буй Онлайн хөтөлбөрөөр Англи улсын Worcester-ийн их сургуульд суралцаж байна. Хүссэн зүйлдээ хичээж мэрийвэл үр дүн нь заавал гарч ирдэг юм байна. “
Read More
БИЗНЕСИЙН СУРГУУЛИЙН ТӨГСӨЛТИЙН БАЯРЫН ХӨТӨЛБӨР
Хэзээ: 2018.06.22-н өдрийн 12.00 цагт
Хаана: МУИС-ийн Бизнесийн сургуулийн урд талбайд
|
Хугацаа |
Үйл ажиллагаа |
Хариуцах эзэн |
|
12.00-12.10 |
МУИС-ийн Бизнесийн сургуулийн төгсөгчдөд диплом гардуулах ёслолын үйл ажиллагаа эхэлнэ. МҮОНТ ын хөтлөгч Г. Чоглоонамжил нээлтийн үйл ажиллагааг хүндэтгэлтэйгээр нээнэ. | Зохион байгуулах комисс |
|
12.10-12.15 |
МУИС-ийн Бизнесийн сургуулийн захирал Ч. Энхбаяр нийт төгсөгчдөд хандаж үг хэлнэ. | Зохион байгуулах комисс |
|
12.15-12.20 |
МУИС-н Бизнесийн сургуулийн 2017-2018 оны хичээлийн жилийн шилдэг төгсөгч санхүү менежментийн 4 дүгээр курсын оюутан Нямлхагвагийн Тэргэл нийт төгсөгчдөд зориулан үг хэлнэ. | Зохион байгуулах комисс |
|
12.20- 12.30 |
БС-ийн оюутны зөвлөлийн шагнал гардуудах үйл ажиллагаа | Оюутны зөвлөл |
|
12.30-12.50 |
Чоно хамтлагын дуучин Дэрмээ
“Сүүлчийн дурсамж хичээлийн дараа” Хурд хамтлагын “Нэг ангийхан” |
Зохион байгуулах комисс |
|
13.00-13.45 |
2017-2018 оны хичээлийн жилийн МАГИСТРЫН ДИПЛОМ гардуудах үйл ажиллагаа
Хөтлөгч МУИС-ийн захирлын тушаалыг уншиж танилцуулна |
Хөтлөгч |
| Маркетинг худалдаа -6 | Г. Мөнхбаясгалан | |
| Менежмент -10 | Б. Лхамцэдэн | |
| Нягтлан бодох бүртгэл -21 | А. Өнөржаргал | |
| Санхүү -44 | А. Ганзориг
С. Ариунаа |
|
|
13.45-14.00 |
Voice of Mongolia шоуны шилдэг оролцогч Ган билэг– 1 дуу
Монгол болон гадаадын хит болсон дуунаас |
|
|
14.00-16.30 |
2017-2018 оны хичээлийн жилийн БАКАЛАВРЫН ДИПЛОМ гардуулах үйл ажиллагаа | |
| Маркетингийн менежмент -28
Худалдааны менежмент-38 Нийт- 66 |
Б. Угтахжаргал
Р. Шарбанди |
|
| Бизнесийн менежмент – 78
Зочид буудал, зоогийн газрын менежмент -4 Нийт -82 |
Д. Батцэцэг
Ж. Ариунаа |
|
| Ня-бо хяналт шалгалт-141+2
Нийт- 143
|
С. Рэнчэндорж
Б. Хүрэлбаатар |
|
| Санхүүгийн менежмент -133+1
Даатгалын эдийн засаг-19 Банкны менежмент-23 Нийт-176 |
Б. Энхтүвшин
Б. Уугангэрэл Н. Батжаргал Н. Баттүшиг Т. Мөнхзаяа |
|
|
16.30-16.50 |
Voice of Mongolia шоуны шилдэг оролцогч Ган билэг– 1 дуу
Монгол болон гадаадын хит болсон дуунаас |
Зохион байгуулах комисс |
|
16.50-17.00 |
Хаалтын үг- Хөтлөгч | Хөтлөгч |
Зохион байгуулах комисс
Read More