Бусад

ПИТЕР МОРРОУГИЙН НЭРЭМЖИТ БАНКНЫ УЛСЫН VII ОЛИМПИАДАД МУИС-ИЙН БС-ИЙН ОЮУТНУУД ТЭРГҮҮЛЛЭЭ

4 өдрийн турших олимпиадын дүнгээр
Багийн төрөл: МУИС PENTAGON баг I байр
Хувийн төрөл: МУИС 3-р түвшин Б. Ариунаа /2-р байр/
МУИС 3-р түвшин А. Өнөрбуян /3-р байр/
Нийлбэр оноогоор МУИС Шилдэг-ээр шалгарч шилжин явах цомын эзэд боллоо.

Бизнесийн сургуулийн “RM & I” клубын гишүүн даатгалын ангийн оюутуудад Менторшип хөтөлбөр хэрэгжүүлж эхлээд байна.

МУИС-ийн Бизнесийн сургууль нь даатгалын зах зээлд тэргүүлэгч даатгалын компани болох “Тэнгэр Даатгал” ХХК-тай 2018 оны 02 дугаар сарын 14-ны өдөр “Харилцан ойлголцлын санамж бичиг” байгуулсан бөгөөд уг санамж бичгийн хавсралтад заагдсан ажлуудын нэг болох Бизнесийн сургуулийн “RM & I” клубын гишүүн даатгалын ангийн оюутуудад Менторшип хөтөлбөр хэрэгжүүлж эхлээд байна. Эхний удаагийн уулзалтаар 04.12-ны өдөр Тэнгэр Даатгал ХХК-ийн Гүйцэтгэх захирал Ойбек Халилов оюутнуудтай уулзаж даатгалын мэргэжлийн онцлог, мэргэжилтэнд тавигдах ур чадварын шаардлага, олон улсын туршлагын талаар ярилцсан бол дараагийн 04.19-ны өдрийн уулзалтаар Тэнгэр Даатгал ХХК-ийн Байгууллагын даатгалын захирал Ч.Уянга хүрэлцэн ирж, байгууллагын даатгалын борлуулалтын онцлог, анхаарах асуудлууд, сайн борлуулагч болон сайн эрсдэлийн зөвлөгчийн ялгаа зэргийн талаар мэдээлэл, зөвлөгөө өгч оюутнуудын асуултуудад хариулт өглөө. Цаашид ийм уулзалтуудыг долоо хоногийн Пүрэв гаригийн 11:30 цагаас тогтмол зохион байгуулахаар төлөвлөгөөтэй байгаа бөгөөд сонирхсон багш, оюутнууд ирж суух боломжтой. Уулзалт болох өрөөг 99078910 утсаар тодруулна уу.

“МӨНГӨ САНХҮҮ” сэтгүүлд судалгааны бүтээл ирүүлэхийг урьж байна

МУИС-ийн Бизнесийн сургуулийн Санхүүгийн тэнхим, Монголын Санхүүчдийн Нийгэмлэгээс  эрхлэн гаргадаг ISSN 2523-417X индекс бүхий “МӨНГӨ САНХҮҮ” сэтгүүлд судалгааны бүтээл ирүүлэхийг урьж байна.

Сэтгүүлийн товч танилцуулга:

Сэтгүүлийг анх эрхлэн гаргасан: 2004 он

Хэл: Монгол, Англи, Орос

Хураангуй: Монгол, Англи, Орос

Хэвлэх тоо: Жилд 2 удаа

Тайлбар: Судалгааны ажилд хянан магадлагаа хийж шаардлага хангасан ажлуудыг хэвлэнэ.

Судалгааны бүтээл хүлээн авах хугацаа: 2018.04.23-2018.05.10

Редакцийн зөвлөлийн гишүүд хянах хугацаа: 2018.04.24-2018.05.15

Өгүүлэлд засвар хийх: 2018.05.10-2018.05.20

Сэтгүүлийг хэвлэлтэнд бэлтгэх, хэвлүүлэх: 2018.05.20-2018.05.25

Өгүүлэлд тавигдах ерөнхий шаардлага:

1. Шинжлэх ухааны онол, арга зүйн үндэслэлтэй, практик судалгаа, дүгнэлттэй байх;
2. Шинэлэг санааг дэвшүүлсэн, бусдын бүтээлийг болон бүтээлийн хэсгийг хуулбарлаагүй, өмнө нь өөр сэтгүүлд хэвлэгдээгүй анхдагч байх
3. Өгүүлэл нь Монгол хэл дээр бичигдсэн бол хураангуй нь Англи эсвэл Орос хэлээр, харин өгүүлэл нь Англи эсвэл Орос хэлээр бичигдсэн бол хураангуй нь Монгол хэл дээр бичигдсэн байна.

Өгүүллийн бүтэц бичиглэл, боловсруулалтад тавигдах шаардлага:

• Өгүүлэл нь гарчиг, хураангуй, түлхүүр үг, үндсэн хэсэг, судалгааны хэсэг, үр дүн, дүгнэлт, ашигласан бүтээлийн жагсаалт гэсэн бүтэцтэй байх;
• Зураг, хүснэгт, графикийн гарчиг, холбогдох эх сурвалжийг бичих;
• А4 хэмжээтэй цаасны дээр болон доороос нь 2.0, зүүнээс нь 3.0, баруунаас нь 2.0 см тус тус зайтай, Times New Roman фондоор (Monkey ашиглахгүйгээр), үсгийн хэмжээ 11, мөр хоорондын зай 15, 10-12 хуудсанд багтсан байх;
• Зохиогчийн нэр, е-майл хаяг, ажлын газрын мэдээлэл зэргийг бичсэн байх;
• Ашигласан материалыг бичихдээ дараах загвараар бичнэ. Үүнд:

А.Өгүүлэл

Зохиогчийн нэр, овгийн эхний үсэг, өгүүллийн сэдэв, сэтгүүлийн нэр, дугаар, он

Б.Ном, нэг сэдэвт бүтээл

Зохиогчийн нэр, овгийн эхний үсэг, номны нэр, хот, хэвлэлийн газар, он

Өгүүллийг дараах хаягаар хүлээн авна.

1. БС-ийн Санхүүгийн тэнхим, 111 тоот өрөө
2. Цахим хаяг: 0620@yahoo.com; gan_ses2000@yahoo.com;
3. Утас: Ганчимэг (99672359); Уранчимэг (99253415)

“Мөнгө санхүү” сэтгүүлийн редакци

2018.04.23

НЯГТЛАН БОДОХ БҮРТГЭЛИЙН XXI ОЛИМПИАДАД МУИС-ИЙН БИЗНЕСИЙН СУРГУУЛЬ АВАРГАЛЛАА

Нягтлан бодох бүртгэлийн мэргэжилтэн бэлтгэдэг их, дээд сургуулиудын шилдэг оюутнуудыг шалгаруулах, ирээдүйн мэргэжилтнүүдийн мэргэжлийн мэдлэгийн түвшинг дээшлүүлэх, оюутнуудын биеэ дайчлан суралцах идэвхийг өрнүүлэх, багш нарын ажлын туршлага, арга барилыг харилцан баяжуулахад туслах, нягтлан бодох бүртгэлийн салбарт үнэтэй хувь нэмэр оруулсан ахмадуудаа алдаршуулах зорилгоор нягтлан бодох бүртгэлийн улсын олимпиадыг Монголын Мэргэшсэн Нягтлан Бодогчдын Институтээс жил бүр уламжлал болгон зохион байгуулдаг. 21 дэх удаагийн олимпиад энэ сарын 19, 20-ны өдрүүдэд болсон бөгөөд Монгол Улсын Гавъяат эдийн засагч, ММНБИ-ийн 5 дахь ерөнхийлөгч, Монгол Улсын Анхны Мэргэшсэн нягтлан бодогч, Аудитор Цэрэнгаваагийн Жигдэнгийн нэрэмжит болгон зохион байгууллаа.

“Тохирох ажилд нь зөв хүнийг” төсөл хэрэгжиж эхэлнэ

МУИС-ийн төгсөх ангийн оюутнуудад зориулсан “Тохирох ажилд нь зөв хүнийг” төсөл 2018.04.24-ны өдрөөс 2018.05.25-ны өдрийг хүртэл явагдана.

ТӨСЛИЙН ЗОРИЛГО

Хөдөлмөрийн зах зээлд шинээр хөл тавих МУИС-ийн төгсөх ангийн оюутан залуусын зан төлөв, авъяас сонирхол хандлага, ур чадварыг  технологийн дэвшил ашиглан дэлгэрэнгүй тодорхойлж , карьер хөгжлийн цогц үйлчилгээ үзүүлж,  ажил амьдралын сорилтуудыг амжилттай даван туулах төлөвлөгөөтэй,  өрсөлдөх чадвартай , баялаг бүтээгчийг тохирох ажлын байранд санал болгоход энэхүү төслийн зорилго оршино.

Төсөлд хамрагдсанаар МУИС-ийн төгсөгч Та ажлын байранд шууд зуучлагдах боломжтой болно.

Төслийн эхний шат: 

“ӨӨРИЙГӨӨ НЭЭ, КАРЬЕРАА УДИРД” лекцэнд төгсөх ангийн оюутнууд өргөнөөр оролцоно уу.

ТӨСӨЛ

Татах (PDF, Unknown)

ТӨСЛИЙН ҮЙЛ АЖИЛЛАГААНЫ ТӨЛӨВЛӨГӨӨ

Татах (PDF, Unknown)

ОЮУТНЫ ХӨГЖИЛ, ҮЙЛЧИЛГЭЭНИЙ ГАЗАР

Маркетингийн улсын VIII олимпиадад МУИС-ийн Бизнесийн Сургуулийн маркетингийн хөтөлбөрийн оюутнууд амжилттай оролцлоо

Монголын их дээд сургуулиудын дунд зохион байгуулагддаг Маркетингийн улсын VIII олимпиадад МУИС-ийн Бизнесийн Сургуулийн маркетингийн хөтөлбөрийн оюутнууд амжилттай оролцлоо. Үүнд:

Та бүхнийг “КОМПАНИД ДОТООД ХЯНАЛТЫН ТОГТОЛЦОО БҮРДҮҮЛЭХ НЬ” сургалтандаа урьж байна.

Оролцогчдод байгууллагын сайн засаглалын суурь зарчмууд, сайн засаглалд эрсдлийн удирдлага, дотоод хяналт ба дотоод аудитын гүйцэтгэх үүргийг ойлгуулсны үндсэн дээр байгууллагадаа дотоод хяналтын оновчтой тогтолцоо бүрдүүлэх ур чадвар эзэмшүүлэх зорилготой.

ТА МАНАЙ СУРГАЛТАНД ХАМРАГДСАНААР

МОНГОЛ УЛСЫН ИХ СУРГУУЛИЙН БАКАЛАВРЫН ӨДРИЙН ХӨТӨЛБӨРТ ОЮУТАН ЭЛСҮҮЛЭХ ЖУРАМ /2018 он/

Татах (PDF, Unknown)

Магистрант, докторант оюутнуудад зориулсан судалгааны семинарт урьж байна

Б.Ариунсанаа “Юун түрүүнд ЦАГИЙН МЕНЕЖМЕНТЭД маш сайн суралцах хэрэгтэй гэж зөвлөмөөр байна”

Олон хүмүүс дэлхийн өндөр хөгжилтэй улс орны боловсролыг эзэмшихийг мөрөөддөг. Гэвч энэ нь хэлний мэдлэг тааруу, эдийн засгийн боломж муутай гэх мэт хүчин зүйлсээс хамааран зарим хүнд биелэгдэшгүй зүйл мэт санагдах нь бий. МУИС-ийн Бизнесийн сургууль нь 2008 оноос эхлэн Английн Эн Си Си боловсрол сургалт зуучлалын байгууллагатай хамтран Бизнесийн удирдлагын олон улсын бакалавр, магистрын зэрэг олгох хөтөлбөрийг хэрэгжүүлсэн нь сурч боловсрох эрмэлзлэлтэй, хөдөлмөрч, зорилготой залууст эх орондоо барууны өндөр хөгжилтэй орнуудын боловсролыг хямд зардлаар эзэмших таатай нөхцөлийг бүрдүүлсэн байна.

– Манай уншигчдад өөрийгөө танилцуулахгүй юу?

Намайг Батсайханы Ариунсанаа гэдэг. Би МУИС-д олон улсын харилцааны мэргэжлээр сурч төгсөөд, хүний нөөц, Бизнесийн удирдлагаар мэргэшиж энэ чиглэлээр сүүлийн 8 жил ажиллаж байна. Одоо эрчим хүчний дэд бүтцийн ууган үйлдвэрийн нэг болох Гүнгэрваа ХХК-д Бизнес хөгжил хариуцсан захирал бөгөөд ISO 9001 төслийн удирдагчаар ажиллаж байна.

– Манай улсад гадаадын их, дээд сургуульд сургалт зуучлалын үйлчилгээ үзүүлдэг олон төвүүд үйл ажиллагаа явуулдаг. Та яагаад Эн Си Си хөтөлбөрийг сонгон суралцсан бэ?

Анх энэ хөтөлбөрийн талаарх мэдээллийг интернэтээс олж мэдсэн. Хэд хэдэн хөтөлбөрүүдтэй харьцуулж судалсны дүнд Эн Си Си хөтөлбөрт элсэн суралцсан. Олон улсад магадлан итгэмжлэгдсэн бөгөөд албан ёсны итгэмжлэгдсэн төлөөлөгчийн газар нь МУИС-дээр байрлаж буй нь илүү найдвартайгаас гадна үнэ цэнэтэй санагдсан. Миний хувьд ажлаа хийнгээ эх орондоо мэргэжлийн чадвараа дээшлүүлж , гадаадын сайн их дээд сургуулиас олон улсад хүлээн зөвшөөрөгдөх зэрэг авах гэсэн карьерын зорилго байсан. Гэтэл ихэнхи  санал болгодог хөтөлбөрүүд 100% онлайн суурьтай , эсвэл танхимын бүтэн цагийн хөтөлбөрүүд байсан. Эн Си Си хөтөлбөрийн сургалтын хэлбэр, цагийн хуваарийн уян хатан байдал зэрэг нь надад ажлаа алдахгүйгээр сурах боломжийг олгосноос гадна төлбөрийн хувьд харьцангуй боломжийн байсан.

-Энэхүү хамтарсан хөтөлбөрт амжилттай суралцаж төгссөний хувьд сургалтын хэлбэр, агуулга, чанарыг өөрийнхөөрөө үнэлээч гэвэл хэрхэн үнэлэх вэ? Сургалтын хэлбэр нь ажлаа хийж байгаа бидний хувьд маш уян хатан санагдсан. Хичээлийн хуваарь нь  ажлын бус оройн цагаар , заримдаа амралтын өдөр долоо хоногт 3-4 удаа ордог байсан. Хамгийн давуу талтай санагдсан нэг зүйл бол энэ хөтөлбөр тэр чигээрээ англи хэл дээр Английн стандарт хөтөлбөрөөр явдагаас гадна, МУИС-ийн  шилдэг доктор, професорууд, салбарын шилдэг мэргэжилтнүүд асар их туршлагатай багш нар хичээлүүдийг зааж байгаа нь маш их таалагдсан. Багш нар маань зөвхөн хөтөлбөрийн стандарт агуулгаас гадна маш хэрэгтэй мэргэжлийн , амьдралын зөвлөгөөнүүдийг өгдөг байсан. Миний хувьд би багш нарыг хэт онол талруугаа байх боловуу гэж бодож байсан харин хөтөлбөрийн багш нарын сонголт хүлээлтээс давсан бүгд өөр өөрсдийн чиглэлээр өөрийн бизнес, хариуцсан ажлуудтай практик туршлага ихтэй хүмүүс байсан. Манай Strategic Operation Management хичээлийг BZP Digital and InBound компанийн захирал зааж байлаа. Монголын томоохон хувийн хэвшлүүдэд олон жил удирдах албан тушаал хашсан хүнээр бүтэн улирлын хичээл заалгасандаа олзуурхдаг. Шалгалт , бичгийн ажлуудыг Англи руу явуулж шалгуулж, тэндээс дүнгээ авдаг байсан.  Хичээлийн дүнгийн хувьд 30 хувь нь шалгалт ,70 хувь нь судалгааны ажлууд байдаг байсан. Судалгааны ажлууд нь маш сайн гүйцэтгэл, ур чадвар шаардсан байдаг  санагдсан. Хичээлүүдийн бие даалт судалгааны ажлуудыг бичихэд цэвэр өөрийн үгээр өөрийн судалгаа ажиглалтаар бичих хэрэгтэй. Хөтөлбөр өөрөө Харвард рефренцинг аргаар, иш татсан , санаа авсан бүх материалуудаа судалгаандаа дурьдах шаардлага тавина. Бусдын оюуны бүтээлийг ашиглахдаа маш өндөр ёс суртахуунтай өөрийн оюуны шүүлтүүртэй байхыг шаарддаг учир хүнээс цагийн менежмент, өөрийн онцлог судалгааны аргатай байхыг шаарддаг санагдсан.

-Та одоо эрхэлж буй ажлынхаа тухайд бидэнтэй хуваалцаач.

Одоо ажиллаж байгаа компани маань эрчим хүчний дэд бүтцийн бүх төрлийн бетонон эдэлхүүн үйлдвэрлэдэг үйлдвэрлэгч компани юм. Энэ жилийн хувьд манай компанийн 20 жилийн ой тохиож энэхүү арга хэмжээнийхээ хүрээнд ISO 9001;2015 тогтолцоог нэвтрүүлж олон улсын байгууллагаар баталгаажуулхаар ажиллаж байна. Энэхүү төслийн ажлыг яг одоо хариуцан ажиллаж байгаа бөгөөд сүүлийн 3н жил Чанарын удирдалагын тогтолцоогоор дагнан ажиллаж туршлага хуримтлуулж явна. Эн Си Си хөтөлбөрийн хичээлийн агуулгуудаас ажилдаа авч ашигласан арга, туршлага багагүй гэдгийг дурдахад таатай байна.

-Эн Си Си хөтөлбөрийн сургалтаас олж авсан мэдлэгийг бодит ажил болгосон гэлээ энэ тухайгаа хуваалцвал уншигчдад их сонирхолтой байна байх гэж бодож байна. 

Манай хөтөлбөрийн хичээлүүд ерөнхийдөө цаг үеэ маш сайн мэдэрсэн, зөв агуулгатай байдаг. Тухайлбал, Мэдээллийн менежмент хичээлээр мэдээлэл ба байгууллага дахь мэдлэгийг хэрхэн удирдах тухай судалсан явдал байсан юм. Энэ хичээлийг Нагаёо болон Вэльсийн их сургуулийн төгсөгч Доктор У.Энхтүвшин багш зааж байсан. Багш маань бидэнд Портерийн 5-н Хүчний судалгааг компаниуд дээрээ хийгээд үзэхийг санал болгосон ба ингэснээрээ бизнесээ нэг талбар дээр олон талаас нь харах боломж олгоддог тухай зөвлөсөн юм. Би тэр дор нь уг  санааг байгууллага дээрээ хэрэгжүүлж 2 сарын дотор өөрийн компанид нөлөөлж байгаа 5н хүчин зүйлийн нөлөөллийг судалж гарган, удирдлагууддаа тайлагнасан. Бид судалгааны хүрээнд өрсөлдөгчидөө, зах зээлээ, хэрэглэгчдийн хүлээлт, шаардлагыг судалж мэдсэний үндсэн дээр компанидаа Чанарын Удирдлагын Тогтолцоог нэвтрүүлэх шийдвэр гаргасан юм.  Улмаар жил хагасын дотор дотоодын ISO 9001:2008 гэрчилгээг авсан. Ингэснээр бидний зах зээл тэлж , борлуулалт нэмэгдсэн ба компанийн нэр хүнд ч өссөн.  Энэ төрлийн судалгааг хийх арга барилыг ойлгосон, цаашлаад тоогоор илэрхийлэгдсэн тайлангаар бизнесээ удирдахын давуу талыг олж харсан нь миний хувьд маш их ахиц байсан. Энэ хөтөлбөрт хамрагдаж маш олон судалгааны материал уншиж судлан, судалгааг бичиж боловсруулахдаа, олон улсын хэмжээний мэргэжилтэн ямар түвшинд ажиллаж байх ёстойг ойлгож авснаас гадна, аливаа асуудалд ул суурьтай судалгаа, үндэслэлтэй хандах хандлагыг сурсан.

-Үргэлжлүүлээд Их Британид очиж магистрын зэрэг хамгаалахаар төлөвлөж байгаа байх, Ингэж суралцах хэд хэдэн хувилбар байдаг гэж сонссон таны хувьд ямар хэлбэрээр суралцахаар төлөвлөж байна вэ?

Мэдээж энэ хүртэл явсан учир мэргэжлийн диплом аваад зогсохгүй Магистрын зэргээ хамгаална гэж төлөвлөж байна. Эн Си Си Хөтөлбөрийн Монгол дахь нэг жилийн дипломын сургалтыг амжилттай дүүргэснээрээ 120 кредит цаг цуглуулсан гэсэн үг ба нийт 180 кредит цуглуулж Английн сургуулийн магистрын зэрэг авна. Үлдсэн 60 кредитыг цуглуулахдаа Английн 5 сургуулиудаас сонгон  нэгдүгээрт онлайнаар, хоёрдугаарт сургууль дээрээ очоод 14 хоног сургалтанд хамрагдаж, удирдагч багштайгаа  уулзаж судалгааны ажлын сэдвээ сонгоод эх орондоо ирж судалгаагаа хийх, гуравдугаарт 6 сар Англид очиж суралцах гэсэн сонголтууд байгаа. Миний хувьд хоёр дахь хэлбэрийг сонгон суралцахаар төлөвлөж байна.

– Англи тэр дундаа Их Британий шилдэг их, дээд сургуульд суралцах мөрөөдөлтэй залуус олон бий. Таны хувьд Английн боловсрол, сургалтын системд суралцаж үзсэний хувьд  тэдгээр залуусд хамгийн түрүүнд өгөх зөвлөгөө юу вэ?

Юун түрүүнд цагийн менежмэнтэд маш сайн суралцах хэрэгтэй гэж зөвлөмөөр байна. Цагийг тулгахад маш олон асуудал үүсдэгийг бид бүгд мэднэ. Судалгааны ажлуудаа аль болох эрт эхэлж байж судалгаа даацтай , нягт нямбай болно. Хоёрдугаарт, Англид очиж суралцана гэж төлөвлөж байвал одооноос дор хаяж нэг англи номыг сардаа унш. Тэмдэглэл хөтөлж, үгийн баялагаа нэмэгдүүлж англи хүн шиг тэр хэлээр чөлөөтэй урсгаж сурах хэрэгтэй санагдсан. Цагийн менежмент сайтай, суралцах аргад суралцсан , сайн уншигч хүн бол тэнд алзахгүй гэж бодож байна.

Аливааг санаачлагч, хөдөлмөрч, бүтээгч хүмүүстэй ярилцах нь үргэлж сайхан байдаг. Таны цаашдын сурлага, ажил, хөдөлмөрт өндөр амжилт хүсье. Удахгүй Английн сургуулийн магистрын зэргээ хамгаалсаных нь дараа эргэн уулзахын ерөөл дэвшүүлье.

Ярилцсан: Сэтгүүлч М.Золбоо