Хүний нөөцийн менежментийн улсын XI олимпиадад Бизнесийн сургуулийн оюутнууд тэргүүллээ
“Хүмүүнлэг, бүтээлч HR” уриан дор зохион байгуулагдсан “Хүний нөөцийн менежментийн улсын XI олимпиад” энэ сарын 19,20-нд зохион байгуулагдаж МУИС, БС-ийн Менежментийн тэнхимийн доктор, дэд профессор Б.Болор багшаар удирдуулсан “Электрон” баг тэргүүн байр эзэлж алтан медаль, доктор, ахлах багш Н.Оюунжаргал багшаар удирдуулсан “Chameleon” баг тусгай байр эзэллээ. Хувийн дүнгээр менежментийн IV түвшний оюутан Б.Даваадулам, менежментийн IV түвшний оюутан Б.Баяржаргал нар гуравдугаар байр эзэлж хүрэл медаль хүртлээ. Оюутнуудаа амжилттай удирдаж оролцсон Б.Болор, Н.Оюунжаргал багш нартаа болон хичээл зүтгэл, идэвхи чармайлт гаргаж сургууль, баг хамт олныхоо нэр хүндийг өндөрт өргөсөн шавь нартаа халуун баяр хүргэж цаашдын эрдэм судалгааны ажилд нь өндрөөс өндөр амжилт хүсье.
Нягтлан бодох бүртгэлийн ХХII олимпиад амжилттай зохион байгуулагдлаа
Монголын Мэргэшсэн Нягтлан Бодогчдын Институт (ММНБИ)-ээс НББ-ийн мэргэжилтэн бэлтгэдэг их, дээд сургуулиудын оюутнуудын дунд жил бүр уламжлал болгон зохион байгуулдаг НББ-ийн улсын XXII олимпиад 2019 оны 4 дүгээр сарын 18, 19-ны өдрүүдэд МУИС-ийн Номын санд болж дүнгээ гаргалаа. Энэ удаагийн олимпиадыг МУИС-ийн Бизнесийн Сургуулийн НББ-ийн тэнхимийн Зөвлөх профессор, доктор Б.Сайнжаргалын нэрэмжит болгон зохион байгуулагдлаа. Б.Сайнжаргал нь 50 гаруй жил МУИС-д ажиллаж байгаа эрдэмтэн багш төдийгүй ММНБИ, Хөрөнгийн үнэлгээний институтийн үүсгэн байгуулагчдын нэг, Монгол улсын нягтлан бодох бүртгэлийн салбарын хөгжилд үнэтэй хувь нэмэр оруулсан салбарын шилдэг эрдэмтэн бөгөөд одоо ч эрдэм мэдлэг, дадлага туршлагаа түгээн ажилласаар байна.
Олимпиадад МУИС, ХААИС, СЭЗИС, Мандах ИС, Сан ИС, Улаанбаатар эрдэм ИС, ОУЭЗБДС, Отгонтэнгэр ИС, ХУИС, Этүгэн ИС, МУИС-ийн Эрдэнэт сургууль, Мандах ИС-ийн Дархан салбар гэсэн 12 их дээд сургуулийн 60 оюутан эрдэм мэдлэгээ сорин оролцлоо.
Байр эзэлсэн оюутан, тэднийг бэлтгэн оролцуулсан багш нарт нь баяр хүргэж амжилтын дээдийг хүсэн ерөөе.
Read More
МУИС-ИЙН БИЗНЕСИЙН СУРГУУЛИЙН МАГИСТРАНТЫН ХАВРЫН ЭРДЭМ ШИНЖИЛГЭЭНИЙ ХУРАЛД ОРОЛЦОХЫГ УРЬЖ БАЙНА
МУИС-ийн Бизнесийн сургуулийн МАГИСТРАНТЫН
эрдэм шинжилгээний хурлын удирдамж
Сэдэв: БИЗНЕСИЙН УДИРДЛАГЫН ОРЧИН ҮЕИЙН АСУУДЛУУД
Зорилго: Бизнесийн удирдлагаар суралцаж буй магистрын түвшний оюутнуудын бие даан судалгаа, шинжилгээ хийх дадал чадварыг хөгжүүлэх
Нэг. Эрдэм шинжилгээний хурлын зохион байгуулалт, шалгаруулалт:
Тэнхимийн эрдэм шинжилгээний хурлаас шалгарсан илтгэлийг тогтоосон хугацаанд хураалгаж, 15 минутад багтаан илтгэж, хэлэлцүүлнэ.
Хэлэлцүүлсэн илтгэлээс эхний 3 байрыг шалгаруулан өргөмжлөл, мөнгөн шагналаар шагнах ба илтгэл хэлэлцүүлсэн магистрантуудад эрдэм шинжилгээний багц цаг тооцох шийдвэрийг гаргана.
Хоёр. Судалгааны ажилд тавигдах шаардлага:
- Эрдэм шинжилгээний илтгэл нь хураангуй, зорилго үндэслэл, үндсэн хэсэг, судалгааны үр дүн, дүгнэлт зөвлөмж, ашигласан материал эх сурвалж, хавсралт гэсэн бүтэцтэй байх;
- Шинжлэх ухааны судалгааны онол, арга зүйг ашигласан байх;
- Дэвшүүлсэн санаа нь шинэлэг, оновчтой, зорилгоо хангасан байх;
- Илтгэлийг ганцаарчилсан болон багаар бэлтгэх бөгөөд заавал удирдагч багштай байх;
- Судалгааны ажлын хэлбэржүүлэлт нь цаасны хэмжээ – А4 (дээр, доор, баруун талаас 2.0, зүүн талаас 3.0 см), үсгийн фонт, хэмжээ – Times New Roman 11, мөр хоорондын зай-1.15, хуудасны тоо 12 хүртэл, ишлэл зүүлт хийсэн байх;
Илтгэлийн хураангуй РРТ-г цахим хэлбэрээр 2019 оны 04-р сарын 24-ны өдрийн 12:00 цаг хүртэл дараах хаягаар хүлээн авна.
E-mail хаяг: battuya.d@num.edu.mn, namjil_9777@yahoo.com
Бизнесийн сургуулийн магистрантын эрдэм шинжилгээний хурал 2019 оны 04-р сарын 24-ний өдрийн 15:00 цагт хичээлийн IV байрны 314 тоот өрөөнд болно.
БИЗНЕСИЙН СУРГУУЛИЙН МАГИСТРАНТЫН ЭРДЭМ ШИНЖИЛГЭЭНИЙ
ХУРЛЫГ ЗОХИОН БАЙГУУЛАХ АЖЛЫН ХЭСЭГ
Нягтлан бодох бүртгэл /E04110101/ магистрын хөтөлбөр магадлан итгэмжлэлийн гэрчилгээ хүлээн авлаа
МУИС, БС-ийн Нягтлан бодох бүртгэл /E04110101/ магистрын хөтөлбөр дээд боловсролын магадлан итгэмжлэх комиссын 2019 оны 4 дүгээр сарын 17-ны өдрийн 12 тоот тогтоолоор 5 жилийн хугацаатай магадлан итгэмжлэгдэж, №20192001 тоот гэрчилгээ хүлээн авлаа.
“ШИЛДЭГ ТОГТМОЛ ХЭВЛЭЛ” номинацид НББ- ийн тэнхимийн “JOURNAL OF THE ACCOUNTING THEORY AND PRACTICE” сэтгүүл шалгарлаа
СИБИРИЙН БҮСИЙН VIII УРАЛДААН
Шинжлэх Ухаан, Боловсрол, Соёл (Орос, монгол) Сибирийн бүс нутгийн их сургуулийн ном-2019 тэмцээний “ШИЛДЭГ ТОГТМОЛ ХЭВЛЭЛ” номинацид НББ- ийн тэнхимийн “Journal of the accounting theory and practice” сэтгүүл шалгарсан явдалд баяр хүргэе.
Read MoreБИЗНЕСИЙН СУРГУУЛИЙН ОУ-ИЙН ХӨТӨЛБӨРҮҮДИЙГ ТАНИЛЦУУЛАХ АРГА ХЭМЖЭЭНД УРЬЖ БАЙНА
БИЗНЕСИЙН СУРГУУЛИЙН ОУ-ИЙН ХӨТӨЛБӨРҮҮДИЙГ ТАНИЛЦУУЛАХ АРГА ХЭМЖЭЭНИЙ ХӨТӨЛБӨР:
15:00 – 15:15 – Нээлт: Бизнесийн сургуулийн захирал Ч.Энхбаяр.
15:15 – 16:35 – Бизнесийн сургуульд хэрэгжиж буй хамтарсан хөтөлбөрүүдийн танилцуулга. Хөтөлбөр хариуцсан мэргэжилтэн Б.Оюундарь
16:35 – 17:15 – Эн Си Си хөтөлбөрийн азийн бүсийг хариуцсан бизнес хөгжлийн менежер Sheetal Choraria.
17:15-17:35 – Польш Монголын хамтын ажиллагаа. Польш хэлний багш Ж.Алтангэрэл
17:35-17:50 – Хэлэлцүүлэг.
PROGRAM OF THE EVENT
EVENT TITLE: Introduction international joint programs of Business School
15:00 – 15:15 – Opening remarks by Prof, Enkhbayar.Ch, Dean of Business school
15:15 – 16:35 – Joint programs of Business school, by Oyundari.B, Program officer.
16:35 – 17:15 –“NCC education” Business Development Manager for the Asian region, Sheetal Choraria,
17:15-17:35 – Poland’s cooperation with Mongolia, by Polish language teacher, Altangerel.J
17:35-17:50 – Discussion
