February 2017

Хэрхэн бүтээмжээ дээшлүүлж, бусдыг манлайлах вэ?

https://youtu.be/__Eye3BHVB0

Эзэмшсэн мэргэжлээрээ хэрхэн амжилтанд хүрэх вэ?

https://youtu.be/gI2BDufrreQ

Банкууд хэнийг ажилд авахыг хүсдэг вэ?

https://youtu.be/dcRM5yrUbdE

Шинэ үеийн банкир төсөл хэний төлөө вэ?

https://youtu.be/Lehf899dsnQ

“POSCO TJ Park” сан Ази судлалын 2017 оны судалгааны тэтгэлэгээ зарлаж байна

“POSCO TJ Park” нь (www.postf.org) бие даасан, ашгийн бус ган үйлдвэрлэлээр дэлхийд тэргүүлэгчдийн нэг POSCO /Pohang Iron and Steel Company/ компаниас бүрэн санхүүждэг сан юм.

Ази тивийн улс орнуудын хоорондын харилцан ойлголцлыг хөнгөвчлөх үүднээс тус сан Ази судлалын чиглэлээр нийгмийн болон хүмүүнлэгийн шинжлэх /түүх, археологи, шашин судлал, газарзүй, философи, социологи, антропологи, уран зохиол, сэтгэл судлал, менежмент, эдийн засаг гм./ ухааны салбарын судалгаанд тэтгэлэг зарлаж байна. Үүнд:

• Энэ жилийн судалгааны чиглэл:

Ази судлалын талаар нийгмийн болон хүмүүнлэгийн шинжлэх ухааны бүх чиглэл

• Эмпирик судалгаа, хээрийн судалгаа болон уран зохиол судлалаар дамжуулан Азийн бүс нутагтай холбоотой шинэ онол, шинжилгээ харуулсан судалгааны санал гаргаж, түүнийг хэрэгжүүлэх талаарх төсөл байх
• Шаардлага хангасан өргөдөл гаргагч нь Азийн их дээд сургуульд бүтэн цагийн багш, эрдэм шинжилгээний ажилтан байна
• Тэтгэлэгийн үргэлжлэх хугацаа: 2017 оны 5 дугаар сар ~ 2018 оны 5 дугаар сар
• Төсөлд олгох тэтгэлэгийн хэмжээ нь 10,000 ам.доллар  Судлаачид судалгааны сэдвийнхээ төсвөө зөв тооцсоны дараа өргөдөл гаргана
• Өргөдөл гаргах хугацаа: 2017 оны 3 дугаар сарын 31. jruskin@postf.org хаягаар хүлээж авна. Нэгэнт хүлээн авсан өргөдлийг өөрчлөх болон буцаах боломжгүй.
• Өргөдлийн хариу гарах хугацаа: 2017 оны 4 дүгээр сарын сүүлээр өөрийн вэб хуудсаар зарлана http://www.postf.org 
• Тэтгэлэгийг 3 удаа хэсэгчлэн олгоно.
• 1-рт: Тэтгэлэг олгох талаар гэрээ байгуулагдсаны дараа холбогдох сургуулиар дамжуулан нийт тэтгэлэгийн 30%- ийг олгоно.
• 2-рт: Явцын тайланг хүлээн авч хэлэлцсэний дараа нийт тэтгэлэгийн 40%- ийг олгоно.
• 3-рт: Төслийн ажлын эцсийн тайланг хүлээн авч, үнэлгээ хийсний дараа 40% -ийг олгоно.

—  Тайлан хүлээн авах;

• Явцын тайлан: 2017 оны 11-р сар
• Эцсийн тайлан: 2018 оны 5-р сар

—  Өргөдөлд дараах зүйлс орно:

• Өргөдөл
• Судалгааны төлөвлөгөө
• Төслийн төсвийн дэлгэрэнгүй
• Тухайн судалгааг явуулах гол болон хамтран судлаачдын CV татаж авах / 2017_Application_form, 2017_Research Proposal, 2017_Research Proposal Abstract
• Сургуулийн ажил байдлын тодорхойлолт
• Өргөдлийн талаар асуух зүйл байвал дараах хаягаар холбогдож лавлана уу:

Хөтөлбөрийн зохицуулагч: In-Seok Sohn (Mr.), POSCO TJ Park сан

Утас: +82-2-562-0934     E-mail: jruskin@postf.org 

—  Судалгааны тэтгэлэгийн өргөдөл болон судалгааны төлөвлөгөө гаргахад дараах зүйлийг анхаарна уу.

• Тухайн сэдвээр хийж буй бие даасан болон хамтарсан судалгааны төслийн аль альнаар нь өргөдөл гаргах боложтой.
• Судалгааны төслийн гишүүд уг судалгааны сэдвээр бусад аливаа байгууллагаас тэтгэлэг авдаг бол энэхүү судалгааны тэтгэлэгт оролцох боломжгүй.
• Өргөдөл болон судалгааны бүх материалыг Англи хэлээр бичсэн байх. (MS word).
• Өгсөн загварын дагуу тэтгэлэгийн өргөдөл гаргах. Судалгааны төлөвлөгөө өөр загвартай байж болох боловч хавсаргасан загварт оруулсан мэдээллийг багтаасан байх шаардлагатай.

ОЮУТАН ЦЭРЭГ

МУ-ын Засгийн газрын 2017 оны 1 сарын 25-ны өдрийн 32 дугаар тогтоолоор батлагдсан Оюутан цэргийн мэргэжил олгох сургалтын журам гарсаны дагуу 1 дүгээр дамжааны 18 нас хүрсэн, 2,8-аас дээш голчтой оюутнууд Бизнесийн сургуулийн Сургалтын албанд 2017 оны 02 сарын 16-ны 17,00 цагаас өмнө ирж бүртгүүлнэ үү. Бизнесийн сургуулиас 9 оюутан авна.

БС-ийн Сургалтын алба

Санхүү хөтөлбөрт 2016 оны хаврын улирлаас өмнө элссэн судалгааны магистрантууд болон докторантууд сэдэв удирдагчаа сонгож, батлуулна уу. Санхүүгийн тэнхим.