Мэдлэг чадвартай, бүтээгч-манлайлагчид
Бизнесийн удирдлагын сургалт, судалгааны Зүүн хойд Азид танигдсан бүсийн төв болно
МУИС-ийн Бизнесийн сургууль нь бизнесийн удирдлага, нягтлан бодох бүртгэл, санхүү, маркетинг, хүний нөөцийн менежмент болон эдийн засгийн чиглэлээр дээд боловсрол, эрдэм шинжилгээ, мэргэжлийн үйлчилгээ үзүүлдэг үндэсний тэргүүлэх сургуулийн нэг юм.
Тус сургууль нь мэдлэгт суурилсан нийгмийн хөгжилд хувь нэмэр оруулах чадвартай, ёс зүйтэй, манлайлах ур чадвар бүхий мэргэжилтэн бэлтгэхийн зэрэгцээ бизнесийн судалгааг хөгжүүлж, төр, хувийн хэвшил болон олон улсын байгууллагуудтай үр дүнтэй хамтран ажиллахыг эрхэмлэдэг.
Алсын хараа
Бизнесийн удирдлагын сургалт, судалгааны чиглэлээр Зүүн Хойд Азид танигдсан бүсийн төв болно.
Эрхэм зорилго
Үндэсний хэмжээнд тэргүүлэгч бизнесийн сургуулийн хувьд сургалт, судалгаа, инновацаар дамжуулан нийгэм, эдийн засгийн хөгжилд хувь нэмэр оруулах, Төв Азийн бүс нутагт нэр хүндтэй боловсрол, судалгааны байгууллага болохыг зорин ажиллана.
Давуу тал
- Чадварлаг багш, судлаачдын хамт олон
- Олон улсын хамтын ажиллагаа, солилцооны хөтөлбөрүүд
- Судалгаанд суурилсан сургалтын арга зүй
- Хөдөлмөрийн зах зээлийн эрэлтэд нийцсэн хөтөлбөрүүд
- Өргөн хүрээтэй төгсөгчдийн болон ажил олгогчдын сүлжээ
- Дижитал сургалтын орчин, орчин үеийн сургалтын хэрэглэгдэхүүн
Стратегийн тэргүүлэх чиглэлүүд
- Судалгааны цар хүрээг өргөжүүлж, дэлхийн жишигт хүргэх.
- Суралцах, сургах үйл явцыг олон улсын түвшинд хөгжүүлэх.
- Мэдлэг, манлайллаар нийгэмд үлгэрлэн манлайлах.
- Байгууллагын засаглал, санхүүгийн тогтвортой байдлыг бэхжүүлж, олон улсын шилдэг менежментийн туршлагыг нэвтрүүлэх.
Үнэт зүйлс
Эрдмийн эрх чөлөө
Чөлөөт сэтгэлгээ, нээлттэй хэлэлцүүлэг, эрдэм шинжилгээний хараат бус байдлыг эрхэмлэнэ.
Хөгжлийн үлгэр жишээ
Сургалт, судалгаа, инновацын чанарын жишгийг тогтоон тасралтгүй хөгжлийг дэмжинэ.
Этос
Ёс зүй, шударга байдал, хариуцлага, харилцан хүндэтгэлийг эрхэмлэнэ.
Манлайлал
Нийгэмд эерэг өөрчлөлт авчрах мэдлэгтэй, хариуцлагатай манлайлагчдыг төлөвшүүлнэ.
Хүндэтгэл ба урам зориг
Хүн бүрийн мэдлэг, ур чадвар, бүтээлч байдлыг үнэлж, хөгжих боломжийг дэмжинэ.
Захиралын мэндчилгээ
Профессор Н.Батнасан
Захирал
Даяаршин буй ертөнц дэх мэдээлэл, техник технологийн түргэн хурдацтай хөгжилт, эдийн засгийн нээлттэй тогтолцоо зэрэг нь бизнест хэзээ хэзээнээс илүүтэй өндөр эрсдэл, хурц өрсөлдөөнийг бий болгож байна. Энэ өрсөлдөөнд зөвхөн глобал түвшинд ажиллах мэдлэг ур чадвартай, шинэчлэгч, манлайлагч удирдагчид л бизнесийг амжилттай удирдаж чадна. Улс, нийгмийнхээ хөгжилд илүү их хувь нэмэр оруулж чадах ийм удирдагчдыг бэлтгэн гаргах нь бидний эрхэм зорилго юм.
Манай хамт олон худалдаа, бүртгэл, санхүү, менежмент, маркетинг, банк, даатгал, бизнесийн мэдээллийн системийн чиглэлүүдээр дээд боловсролтой мэргэжилтнийг олон арван жилийн туршид бэлтгэж ирсэн өмнөх үеийн туршлага, үндэсний хэмжээнд хүлээн зөвшөөрөгдсөн нэр хүнд, үндэсний болон олон улсын хэмжээнд магадлан итгэмжлэгдсэн хөтөлбөрүүд, чадварлаг боловсон хүчнийхээ нөөц боломжид тулгуурлан олон улсын хэмжээнд ажиллах чадвартай, манлайлагч, шинэчлэгч, харилцааны өндөр ёс зүйтэй, өрсөлдөх чадвар бүхий бизнесийн удирдагчдыг бэлтгэн гаргахын төлөө чармайн ажиллаж байна.
Монголын улс эрчимтэй хөгжлийн гараан дээр ирээд буй түүхэн цаг үед бид суралцагчдадаа мэргэжлийн мэдлэг олгохоос илүүтэйгээр тэдэнд насан туршдаа хэрэглэж ашиглахуйц олон талын ур чадварыг бий болгож хөгжүүлэх, хичээл сургалтдаа өрсөлдөөн, оюутны чөлөөт сонголтыг өргөжүүлэх, үйл ажиллагаандаа хариуцлага, нээлттэй ил тод байдлыг нэвтрүүлэх, судалгааныхаа ажлын чанарыг өндөр хөгжилтэй орнуудын түвшинд хүргэхэд чиглэсэн өөрчлөлтүүдийг дэс дараатайгаар хэрэгжүүлж эхлээд байгаа билээ.
Энэ сургуулийг төгссөн төгсөгчид, бас элсэн суралцаж буй оюутнууд, цаашид элсэн суралцах хүсэлтэй хүүхэд залуучууд, бидэнтэй хамтран ажиллах хүсэлтэй байгууллага, хувь хүмүүсийн өмнө манай үүд хаалга нээлттэй бөгөөд бид та бүхэнд олон улсад магадлан итгэмжлэгдсэн нэр хүндтэй сургалт, чанартай судалгаа, харилцан үр ашигтай бөгөөд эрх тэгш хамтын ажиллагааг санал болгож байна.
Түүхэн замнал
МУИС-ийн Бизнесийн сургуулийн хөгжил нь Монгол Улсад эдийн засаг, бизнесийн боловсрол хөгжсөн түүхтэй салшгүй холбоотой бөгөөд үндэс суурь нь Монгол Улсын Их Сургууль байгуулагдсан үеэс эхлэлтэй.
1942 он
Монгол Улсын Их Сургууль байгуулагдаж, эдийн засаг, нийгмийн шинжлэх ухааны чиглэлээр сургалт, судалгааны үйл ажиллагаа эхэлсэн.
1991 он
Монгол Улс зах зээлийн эдийн засгийн тогтолцоонд шилжсэнээр бизнесийн удирдлага, менежментийн чиглэлээр өндөр мэдлэгтэй мэргэжилтэн бэлтгэх хэрэгцээ эрчимтэй нэмэгдэв.
1993 он
МУИС-ийн Эдийн засгийн сургуулийн бүрэлдэхүүнд Бизнесийн удирдлагын тэнхим байгуулагдаж, бизнесийн удирдлагын чиглэлээр мэргэжлийн сургалт албан ёсоор эхэлсэн.
1997 он
Бизнесийн удирдлагын тэнхим өргөжин хөгжиж, бие даасан бүтэцтэйгээр МУИС-ийн Бизнесийн сургууль болон байгуулагдсан нь бизнесийн боловсролын хөгжилд шинэ үеийг эхлүүлэв.
2000-аад он
Сургалтын хөтөлбөрүүдийг олон улсын жишигт нийцүүлэн шинэчилж, бакалавр, магистр, докторын түвшний боловсролын үйл ажиллагааг өргөжүүлэн хөгжүүлэв.
2010 он
Олон улсын их, дээд сургуулиуд болон академик байгууллагуудтай хамтын ажиллагаагаа өргөжүүлж, оюутан солилцоо, хамтарсан судалгаа, олон улсын сургалтын хөтөлбөрүүдийг хэрэгжүүлж эхэлсэн.
2020 он
Дижитал шилжилтийн хүрээнд цахим сургалтын орчныг бүрдүүлж, онлайн болон хосолсон сургалтын хэлбэрийг нэвтрүүлэн боловсролын хүртээмж, чанарыг нэмэгдүүлэв.
Өнөөдөр
МУИС-ийн Бизнесийн сургууль нь бизнесийн удирдлага, нягтлан бодох бүртгэл, санхүү, маркетинг, хүний нөөц, олон улсын бизнес зэрэг чиглэлээр үндэсний хэмжээнд тэргүүлэх боловсрол, судалгааны байгууллагын нэг болон хөгжиж, бүс нутгийн хэмжээнд өрсөлдөхүйц сургалт, судалгааны төв болох зорилгын төлөө ажиллаж байна.
Захиргааны бүрэлдэхүүн
Тэнхим
Гишүүнчлэл
Эрдмийн зөвлөл
| № | ОВОГ НЭР | ХАРЪЯЛАЛ | ЭРДМИЙН ЦОЛ, ЗЭРЭГ |
| 1 | Н.Батнасан | Дарга | Профессор, Доктор (Ph.D) |
| 2 | Д. Сувдаа | Нарийн бичгийн дарга | Дэд профессор, Доктор (Ph.D) |
| 3 | Б.Даваасүрэн | Гишүүн | Дэд профессор, Доктор (Ph.D) |
| 4 | М.Должин | Гишүүн | Профессор, Доктор (Ph.D) |
| 5 | Д.Моломжамц | Гишүүн | Дэд профессор, Доктор (Sc.D) |
| 6 | Л.Наранчимэг | Гишүүн | Дэд профессор, Доктор (Ph.D) |
| 7 | Н.Отгонсайхан | Гишүүн | Дэд профессор, Доктор (Ph.D) |
| 8 | Н. Сонинтамир | Гишүүн | Дэд профессор, Доктор (Ph.D) |
| 9 | 3. Алтанчимэг | Гишүүн | Доктор (Ph.D) |
| 10 | Б.Алтан-Эрдэнэ | Гишүүн | Доктор (Ph.D) |
| 11 | Ө. Номинцэцэг | Гишүүн | Доктор (Ph.D) |
| 12 | Л.Оюунцэцэг | Гишүүн | Доктор (Ph.D) |
| 13 | Б.Энх-Амгалан | Гишүүн | Доктор (Ph.D) |
| 14 | М.Эрдэнэбат | Гишүүн | Доктор (Ph.D) |
Хөтөлбөрийн хороо
| № | Овог нэр | Тэнхим/ нэгж | Албан тушаал | Эрдмийн зэрэг цол |
| 1 | Н.Батнасан | Захиргаа | Хөтөлбөрийн хорооны дарга | Профессор, Доктор (Ph.D) |
| 2 | Н.Отгонсайхан | Маркетинг, худалдаа | Хөтөлбөрийн хорооны нарийн бичгийн дарга | Дэд профессор, Доктор (Ph.D) |
| 3 | Ө.Номинцэцэг | Маркетинг, худалдаа | Тэнхимийн эрхлэгч, дэд профессор | Доктор (Ph.D) |
| 4 | З.Алтанчимэг | Менежмент | Тэнхимийн эрхлэгч, дэд профессор | Доктор (Ph.D) |
| 5 | С.Санасэр | Менежмент | Ахлах багш | Доктор (Ph.D) |
| 6 | Б.Энх-Амгалан | Санхүү | Тэнхимийн эрхлэгч, дэд профессор | Доктор (Ph.D) |
| 7 | Ч.Энхбаяр | Санхүү | Профессор | Профессор, Доктор (Ph.D) |
| 8 | Л.Оюунцэцэг | Нягтлан бодох бүртгэл | Тэнхимийн эрхлэгч, дэд профессор | Доктор (Ph.D) |
| 9 | Б.Алтан-Эрдэнэ | Нягтлан бодох бүртгэл | Дэд профессор | Доктор (Ph.D) |
Захиргааны зөвлөл
| № | Овог нэр | Албан тушаал | Эрдмийн зэрэг, цол |
| 1 | Н.Батнасан | Захирал | Профессор, доктор |
| 2 | М.Должин | Худалдаа, маркетинг, менежментийн салбар эрхэлсэн захирал | Профессор, доктор |
| 3 | М.Эрдэнэбат | Санхүү, бүртгэлийн салбар эрхэлсэн захирал | Доктор |
| 4 | Д.Сувдаа | Эрдмийн зөвлөлийн нарийн бичгийн дарга | Дэд профессор, доктор |
| 5 | З.Алтанчимэг | Менежментийн тэнхимийн эрхлэгч | Дэд профессор, доктор |
| 6 | Р.Гантулга | Биеийн тамирын тэнхимийн эрхлэгч | Доктор |
| 7 | Ө.Гэрэлт-Од | Санхүүгийн тэнхимийн эрхлэгч | Доктор |
| 8 | Ө.Номинцэцэг | Маркетинг, худалдааны тэнхимийн эрхлэгч | Доктор |
| 9 | Л.Оюунцэцэг | Нягтлан бодох бүртгэлийн тэнхимийн эрхлэгч | Доктор |
Бизнесийн сургуулийн бүтэц
Оюутан нарыг урьж байна
