Ж.Питер Морроугийн нэрэмжит Хаан банкны олимпиад болж өндөрлөлөө

Санхүүгийн салбарын ирээдүйг түүчээлэх залуусыг Ж.Питер Морроугийн нэрэмжит олимпиадаар тодрууллаа.

Мэдлэгтэй байх нь боломж, харин мэдлэгээрээ ялгарах нь чадвар.Ийм чадварыг нээн илрүүлэх, хөгжлийг дэмжих зорилгоор ХААН Банк санхүүгийн чиглэлээр суралцаж буй оюутнуудын онолын мэдлэг, мэргэжлийн ур чадвар, бүтээлч сэтгэлгээг сорьдог Ж.Питер Морроугийн нэрэмжит олимпиадыг 12 дахь жилдээ амжилттай зохион байгууллаа.

Их, дээд сургуулийн 3, 4-р дамжаанд суралцаж буй  оюутнуудын дунд жил бүр зохион байгуулдаг тус олимпиад уламжлал ёсоор багийн болон ганцаарчилсан 2 ангилалд болж, төрийн болон хувийн хэвшлийн 6их дээд сургуулийн 10 багийн 50 оюутан оюун ухаанаа сорин өрсөлдсөн юм. Ялагчид буюу эхний 3 байрт шалгарсан оюутнууд батламж, мөнгөн шагналын эзэн болсон бөгөөд үүн дээр нэмэгдээд нийт эхний 5 байрт шалгарсан оюутнуудыг ХААН Банканд ажиллахыг урьсан юм. 

Тус олимпиадад МУИС-ийн Бизнесийн сургуулийн “Active” баг дэд байрт шалгарч өргөмжлөл, 2 сая 

төгрөг болон цомын эзэд боллоо.

Олимпиадын зохион байгуулалтын комисст өмнөх жилүүдийн тэмцээнд амжилттай оролцож, өнөөдөр ХААН Банкны газар, хэлтсүүдэд үр бүтээлтэй ажиллаж буй шилдэг залуус оролцсон бөгөөд ХААН Банкны удирдлагын хорооны болон газар хэлтсийн захирлууд олимпиадыг шүүн шилдгүүдийг шалгаруулсан юм.