БИЗНЕС БА ИННОВАЦИ СЭТГҮҮЛ
МУИС-ийн Бизнесийн сургууль 2015 оноос “Бизнес ба Инноваци” сэтгүүлийг эрхлэн гаргаж байна. “Бизнес ба инноваци” сэтгүүлд бизнесийн удирдлагын чиглэлээр дэлхий дахинд болон улс орны өмнө тулгамдсан асуудлыг онол арга зүйн хувьд хөндсөн, практик судалгаа, үр дүнг танилцуулсан, асуудал дэвшүүлсэн, шинжлэх ухааны зохих түвшин, шаардлагыг бүрэн хангасан судалгааны өгүүллийг хэвлэн нийтэлдэг. Сэтгүүлд хэвлүүлэхээр ирүүлсэн өгүүллийг редакцийн зөвлөлийн 2–оос доошгүй эрдэмтэн уншиж хянан, хэвлэх зөвшөөрөл өгсөн тохиолдолд хэвлэнэ.
https://journal.num.edu.mn/BusinessAndInnovation/
НЯГТЛАН БОДОХ БҮРТГЭЛИЙН ОНОЛ, ПРАКТИК
МУИС-ийн Бизнесийн сургууль “Нягтлан бодох бүртгэлийн онол, практик” сэтгүүлийг 2017 оноос эрхлэн гаргасан. Сэтгүүл нь нягтлан бодох бүртгэл, аудит, санхүүгийн тайлангийн шинжилгээний чиглэлээр онол, арга зүйн судалгааны өгүүллүүдийг Монгол, Англи хэлээр хагас жил тутам гардаг сэтгүүл юм. Сэтгүүл нь нягтлан бодох бүртгэлийн шинжлэх ухааны судалгааг нийтэд түгээх, судалгаа, сургалтад хувь нэмэр оруулах зорилготой.