Монголын анхны хиймэл дагуул МАЗААЛАЙ-г хөөргөх хандивын аянд МУИС-ийн Бизнесийн сургуулийн багш, ажилтан, оюутнууд идэвхитэй оролцож байна

2017.03.13 

МУИС-ийн багш, эрдэмтэд, оюутнууд монголын анхны хиймэл дагуулыг 2017 оны 5 сарын 22-д  хөөргөхөөр Япон улсын Кюүшү технологийн их сургуультай хамтран ажиллаж байна.

Монголын анхны хиймэл дагуул “МАЗААЛАЙ” болон бусад орны хиймэл дагуулуудыг Japan Aerospace Exploration Agency (JAXA) буюу Японы сансрын агентлагт хүлээлгэн өгөх хэвлэлийн бага хурал 2017-02-08нд болж өндөрлөлөө. Монгол, Япон, Гана, Нигери, Бангладеш зэрэг таван улсын хиймэл дагуулыг Америкийн National Aeronautics and Space Administration (NASA)-д хүргүүлж Олон улсын сансрын станцын ээлжит хангамжийн хамт SpaceX пуужингаар хөөргөх юм.

 

 

Монгол Улс анхны хиймэл дагуулаа хөөргөнө гэдгээ дэлхий нийтэд зарлалаа.

Монгол Улсаас НҮБ-ын дэргэд суугаа Онц бөгөөд Бүрэн Эрхт Элчин сайд, Байнгын төлөөлөгч С.Сүхболд 2016 оны 10 дугаар сарын 11-ний өдөр НҮБ-ын Ерөнхий Ассамблейн 71 дугаар чуулганы Дөрөвдүгээр хорооны “Сансрын уудмыг энхийг зорилгоор ашиглах олон улсын хамтын ажиллагаа” сэдэвт хуралдаанд оролцон үг хэлэв. Элчин сайд С.Сүхболд хэлсэн үгэндээ Монгол Улс сансрын уудмыг энхийн зорилгоор ашиглах олон улсын хамтын нийгэмлэгийн хүч чармайлт, үйл ажиллагааг дэмжиж ирснийг онцлоод, сансрын уудмыг энхийг зорилгоор ашиглах үзэл санааны хүрээнд Монгол Улсын Засгийн газраас авч хэрэгжүүлж буй арга хэмжээний талаар тэмдэглэв.

(http://www.newscom.mn/?p=41999&lang=mn)

Энэхүү бүтээн байгуулж байгаа их үйлсэд хувь нэмрээ оруулахаар МУИС-ийн Бизнесийн сургуулийн багш, ажилтан, оюутнууд  нэгдэж, хиймэл дагуул хөөргөх хандивын үйл ажиллагаагаа идэвхижүүлж хандив цуглуулах 7 хоногийн аянг зохион байгуулж байна. Хандивын аян 2017 оны 3-р сарын 13-наас 20-ны хооронд Бизнесийн сургууль дээр зохион байгуулагдаж байгаа тул энэхүү үйл ажиллагаанд нийт багш, ажилтан, оюутнуудыг идэвхтэй оролцохыг уриалж байна.

Та бүхэн Хаан банкинд “МУИС-хиймэл дагуул” гэсэн эзэмшигчийн нэртэй 5041392345 тоот дансанд хандиваа өргөнө үү. Хандивтай холбоотой шилэн дансны мэдээллийг энд дарж үзнэ.

Хиймэл дагуулын талаар сүүлийн үеийн мэдээ болон бизнесийн сургуулиас зохион байгуулсан үйл ажиллагаануудын талаар мэдээллийг дараах холбоосоор орж авна уу:

• http://sas.num.edu.mn/satellite/?cat=2
• http://bs.num.edu.mn/?p=1829
• https://www.facebook.com/search/top/?q=%D1%85%D0%B8%D0%B9%D0%BC%D1%8D%D0%BB%20%D0%B4%D0%B0%D0%B3%D1%83%D1%83%D0%BB%20
• http://news.num.edu.mn/?p=35066
• http://news.num.edu.mn/?p=36697 https://www.facebook.com/MUIS1942/posts/11858891181287180

Хиймэл дагуул хөөргөх ажлын хэсгийн гишүүн

МУИС, БС-ийн багш, док.Д.Чимгээ