“Багануур” ХК, Монгол Улсын Их Сургуулийн Бизнесийн сургуулийн Санхүүгийн тэнхимтэй хамтарсан “Бизнес, эдийн засгийн судалгаа ба хэрэглээ” сэдэвт эрдэм шинжилгээний хурлыг /2025.05.02/ Багануур ҮТП-ийн “Хөх нүүрс” төсөл хэрэгжих байрны шинэ сургалтын танхимд зохион байгууллагдлаа.

Эрдэм шинжилгээний хуралд “Багануур” ХК-ийн Стратеги, хөгжил хариуцсан менежер Д.Даваадаш, Захиргаа хүний нөөцийн хэлтэс, Нягтлан бодох бүртгэлийн хэлтэс, Бизнес хөгжил, эрсдэлийн удирдлагын хэлтэс, ХАБЭА, байгаль орчны хяналтын хэлтсийн мэргэжилтнүүд, МУИС-ийн Бизнесийн сургуулийн доктор, профессорууд болон бакалавр, магистрын оюутнууд оролцлоо.

Эрдэм шинжилгээний хурал нь эрдэмтэн багш нар, судлаачид, оюутнууд уул уурхайн салбарын хөгжил, байгаль орчин, тогтвортой хөгжил, гадаад худалдаа, уул уурхайд валютын ханшийн нөлөө зэрэг чиглэлээр өөрсдийн хийсэн судалгааны үр дүнг илтгэлээрээ танилцуулж, “Багануур” ХК-ийн мэргэжилтнүүдтэй мэдээлэл солилцсон юм. Тухайлбал:

– Доктор, дэд профессор Б.Энх-Амгалан “Уул уурхайн салбар хөгжсөн аймгуудын ДНБ ба хүн амын өсөлтийн хоорондын хамаарал” сэдвээр;

– Доктор, дэд профессор Г.Отгонсүрэн “SDG impact Standart-ийг аж ахуй нэгжид нэвтрүүлэх нь” сэдвээр;

– Доктор,  ахлах багш Г.Гүнбилэг “Валютын ханшийн гадаад худалдааны тэнцэлд үзүүлэх нөлөө” сэдвээр;

– Доктор, ахлах багш Н.Батжаргал, ахлах багш П. Баянсан “Орон нутгийн санхүүгийн бие даасан байдалд уул уурхайн салбарын үзүүлэх нөлөө”сэдвээр;

– Магистрант Л.Баянжаргал “Түүхий эдийн үнийн валютын ханшид үзүүлэх нөлөө” сэдвээр тус тус илтгэл танилцуулав.