“Хичээнгүй оюутан – 2025” тэтгэлэг зарлагдлаа
2025-11-27
2025-2026 оны хичээлийн жилд “Хичээнгүй оюутан” тэтгэлэгийг 2 төрлөөр олгоно. Уг тэтгэлгийн зорилго нь:
- Хөгжлийн бэрхшээлтэй оюутныг дэмжих, эрхийг хангах, нийгмийн бүхий л харилцаанд оролцох нөхцөлийг бүрдүүлэх, тэдний талаар эерэг ойлголт, хандлагыг төлөвшүүлэх, суралцах орчин, нөхцөлийг бүрдүүлэх, сурах хүсэл сонирхлыг нь дэмжих
- МУИС-ийн бакалаврын II буюу түүнээс дээш түвшний суралцагчдыг дэмжих, мэргэжлээрээ олон улсын уралдаан, тэмцээн I-III байр эзэлж бусдыгаа манлайлан хичээж буй нийгмийн идэвхтэй, санхүүгийн дэмжлэг шаардлагатай суралцагчийг дэмжих
Тэтгэлгийн шалгуур:
- МУИС-ийн бакалаврын түвшний идэвхтэй төлөвт суралцаж буй суралцагч байх,
- Бакалаврын түвшний хөгжлийн бэрхшээлтэй суралцагч байх (гэрчилгээний хуулбар хавсаргах),
- Бакалаврын II буюу түүнээс дээш түвшний суралцагч байх (Оюутан байх хугацаандаа мэргэжлээрээ ОУ-ын уралдаан, тэмцээнд 1-3-р байр эзэлсэн бол гэрчилгээ болон оролцсон баримт нотолгоог хавсаргах),
- Сурлагын голч дүн 3 ба түүнээс дээш байх,
- Суралцагчийн амжилтыг гэрчилсэн бичиг баримтын хуулбар,
- Суралцагч үндсэн мэргэжлээрээ олон улсын уралдаан, тэмцээнд I-III байр эзэлсэн батламж, өргөмжлөл хавсаргах
- Өөрийн хүсэл мөрөөдөл, хэтийн зорилго зорилтын талаар эссэ бичих,
Тэтгэлгийн хэмжээ: 1 сая төгрөг (сургалтын тэтгэлэг)
БҮРДҮҮЛЭХ МАТЕРИАЛ
- Хөгжлийн бэрхшээлтэй суралцагчийн бүрдүүлэх материал:
- Тэтгэлэгт хөтөлбөрт хамрагдах хүсэлтийн маягт, татах
- Бакалаврын түвшний идэвхтэй төлөвт суралцаж буй суралцагч байх (гэрчилгээний хуулбар хавсаргах),
- Дүнгийн тодорхойлолт- (монгол)
- Суралцагч байх хугацааны амжилт, нийгмийн идэвх оролцооны баримтыг нэмэлтээр хавсаргаж болно.
- Олон улсын уралдаан, тэмцээнд I-III байр эзэлсэн суралцагчийн бүрдүүлэх материал:
- Тэтгэлэгт хөтөлбөрт хамрагдах хүсэлтийн маягт, татах
- Дүнгийн тодорхойлолт- (монгол)
- Суралцагч байх хугацааны амжилт, нийгмийн идэвх оролцооны баримтыг нэмэлтээр хавсаргаж болно.
- Суралцагч үндсэн мэргэжлээрээ олон улсын уралдаан, тэмцээнд I-III байр эзэлсэн батламж, өргөмжлөл хавсаргасан байх,
- Өөрийн хүсэл мөрөөдөл, хэтийн зорилго зорилтын талаар эсээ бичих /хүсэлтийн маягтны 15-р хэсэгт бичнэ/
Жич: Бүрдүүлсэн материалыг нүхтэй хавтсанд хийж хүлээлгэн өгнө.
Хүсэлт хүлээн авах хугацаа: 2025 оны 11 дүгээр сарын 28-ны өдрийн 12:00 цаг хүртэл СиСи системээр бүртгүүлж, тэтгэлгийн бүрдүүлэх бичиг баримтын хуулбар материалыг хэвлэж МУИС-ийн Багш, оюутны хөгжлийн төвийн 306 тоот өрөө, Оюутны хөгжлийн газрын тэтгэлэг хариуцсан мэргэжилтэнд хүлээлгэн өгснөөр бүртгэл баталгаажна.
Холбоо барих утас: 77307730-1514, enkhtaivan_ts@num.edu.mn,
https://news.num.edu.mn/?p=112838
ОЮУТНЫ ХӨГЖЛИЙН ГАЗАР