“Creative Student Competition 2025” тэмцээнд МУИС-ийн оюутнууд амжилттай оролцлоо.
Монголын их дээд сургуулиудад “Маркетинг” хөтөлбөрөөр суралцаж буй оюутнуудын дунд зохион байгуулсан “Creative Student Competition 2025” улсын маркетингийн тэмцээн 2025 оны 11 сарын 29, 30 өдрүүдэд зохион байгуулагдлаа.
“Creative Student Competition 2025” тэмцээнд нийт 10 их, дээд сургуулийн 43 баг оролцож, тэмцээний 2-р шатанд 18 шилдэг баг “Бүтээлч маркетингийн төсөл”-өө танилцуулсан. Уг тэмцээнд МУИС-ийн 6 баг оролцсоноос 3 баг шагналт байранд шалгарав.
Багийн амжилт:
Монгол Улсын Их Сургуулийн “Winx” баг(А.Сэргэлэнзул,Г.Амирлан) 3-Р БАЙРЫН ШАГНАЛ, Монгол Улсын Их Сургуулийн “Yin & Yan“(Б.Төгөлдөр, Т.Амарзаяа) баг ТУСГАЙ БАЙРЫН ШАГНАЛ, Монгол Улсын Их Сургуулийн “El Clásico” баг(Б.Идэрбаясгалан, Б.Мөнхтуяа) ТУСГАЙ БАЙРЫН ШАГНАЛ тус тус хүртлээ.“Creative Student Competition 2025” тэмцээний 3-р байрын шагналыг хүртсэн МУИС-ийн “Winx” баг “Cannes Lions International Festival of Creativity 2026” олон улсын тэмцээнд Монгол улсыг төлөөлөн оролцохоор өрсөлдөх шалгаруулалтад орох эрх авч, амжилттай оролцлоо. 
