“Сонгуульд оролцьё, Сонгуулийн эрхээ эдэлье” сэдэвт сургалт

УИХ болон Аймаг, нийслэлийн ИТХ-ын 2016 оны сонгуульд залуучуудын оролцоог нэмэгдүүлэх зорилгоор “Шинэ сонгогч” төслийг хэрэгжүүлэн ажиллаж байгаа бөгөөд Оюутны албатай хамтран МУИС-ийн 1, 2 дугаар дамжааны оюутнуудад “Сонгуульд оролцьё, Сонгуулийн эрхээ эдэлье” сэдэвт сургалт явуулахаар төлөвлөөд байна.

Сургалт 2016 оны 05 дугаар сарын 18 нд 14:00 цагаас хичээлийн 1 дүгээр байрны дугуй зааланд болно

“Сонгуульд оролцьё – Сонгуулийн эрхээ эдэлье” сэдэвт сургалтын хөтөлбөр

Нэг: Сургалтын зорилго

“Сонгуульд оролцьё – Сонгуулийн эрхээ эдэлье” сургалт нь 2012 оны 7-р сараас хойш 18 нас хүрч сонгуульд анх удаа оролцох залуучуудад Монгол улсын иргэний сонгох, сонгогдох эрх, УИХ-ын сонгуулийн утга учир, ардчилал ба сонгуулийн тогтолцоо болон сонгуульд оролцохын ач холбогдол, үнэ цэнийн талаар ойлгуулах зорилготой юм.

Түүнчлэн, шинэ сонгогчдод ардчиллын хөгжилд сонгуулийн эзлэх байр суурь болон шинээр батлагдсан сонгуулийн хуулийн онцлог, зарчим, 2016 оны УИХ-ын болон аймаг, нийслэлийн Иргэдийн төлөөлөгчдийн хурлын сонгуулийн зорилго, онцлого, харьцуулалтын талаар танилцуулах, сонгуульд хариуцлагатай хандах, сонгох эрхийн тухай мэдлэгийг нэмэгдүүлэхэд оршино.

Хоёр: Сургалтын хөтөлбөр

№	Сэдэв	Хугацаа
1	Ардчилал гэж юу вэ? Бид яагаад ардчиллыг сонгосон бэ?	1 цаг
2	Сонгууль нь ардчиллын тулгуур болох нь	1 цаг
3	УИХ-ын болон Аймаг, Нийслэлийн ИТХ-ын 2016 оны сонгуулийн онцлог	1 цаг

 

Гурав: Хөтөлбөрийн агуулга, арга зүй

Сэдэв	Агуулга	Арга зүй
Ардчилал гэж юу вэ? Бид яагаад ардчиллыг сонгосон бэ?	Ардчиллын тухай ойлголт  Ардчиллын үнэт зүйлс Ардчиллын зарчим	Мэдээлэл түгээх Теле нэвтрүүлэг үзүүлэх Слайд ашиглан хичээл заана
Сонгууль нь ардчиллын тулгуур болох нь	Ардчилсан сонгуулийн тухай ойлголт Сонгох, сонгогдох эрх Та Үндсэн хуулиар олгогдсон эрхээ эдлэж сонголт хийхэд бэлэн үү?	Мэдээлэл өгөх Теле нэвтрүүлэг үзүүлэх Мэтгэлцээнээр үзэл бодолоо чөлөөтэй илэрхийлэх арга хэрэглэх
УИХ-ын болон Аймаг, Нийслэлийн ИТХ-ын 2016 оны сонгуулийн онцлог	Монгол улсын сонгуулийн тухай хууль 2016 оны сонгуулиудын онцлог Сонгуульд хэрхэн оролцох, саналаа өгөх Санал тоолох автомат машины тухай	Мэдээлэл өгөх Теле нэвтрүүлэг үзүүлэх Слайд ашиглах

Оюутан та бүхэн өргөнөөр оролцоно уу